ونىڭ ىشىندە رەسپۋبليكانىڭ جىلۋ ەلەكتر ورتالىقتارىنا 4,2 ملن توننا جەتكىزىلىپ, تيەۋ جوسپارى 102,3 پايىزدى قۇرادى. ەلىمىزدىڭ كوممۋنالدىق-تۇرمىستىق قاجەتتىلىگى ءۇشىن 986 مىڭ توننادان استام قاتتى وتىن تيەلسە, ەكسپورتقا 2,1 ملن توننا كومىر جونەلتىلگەن. قازان ايىندا جالپى كومىر تيەلىمى 7,3 ملن توننانى قۇراعان.
وبلىستارداعى «قتج-جۇك تاسىمالى» جشس فيليالدارى جول بولىمشەلەرىندە كومىر ساقتالاتىن تۇيىقتاردى ارالاپ, كاسىپورىنداردىڭ كىرمە جولدارىنداعى كومىر قورلارىن باقىلاپ, ولاردىڭ يەلەرىمەن بىرلەسىپ, ستراتەگيالىق جۇكتى جەتكىزۋ بويىنشا ماسەلەلەردى انىقتايتىن جەدەل مونيتورينگتىك توپتار جۇمىس ىستەۋدە. ولار بارلىق اقپاراتتى جەدەل تۇردە ۇلتتىق كومپانيانىڭ ورتالىق اپپاراتىنىڭ كومىردى تاسىمالداۋ جونىندەگى شتابىنا جولداپ وتىرادى.
قازان ايىنىڭ 25 كۇنى ىشىندە قوستاناي, پاۆلودار, قاراعاندى, سەمەي جول بولىمشەلەرى بويىنشا قتج-نىڭ مونيتورينگتىك توپتارى 30-دان استام كوممۋنالدىق-تۇرمىستىق كومىر الۋشىلاردى ارالاعان. ماسەلەن, قوستاناي وبلىسىنا قازان ايىنىڭ 25 كۇنىندە 43 مىڭ توننادان استام, پاۆلودار وبلىسىندا 36 مىڭ توننادان استام, قاراعاندى وبلىسىندا 128 مىڭ توننادان استام كوممۋنالدىق-تۇرمىستىق كومىر جەتكىزىلىپ, جوسپار مەجەدەن اسىرا ورىندالعان.
جۇك جونەلتۋشى «ۆوستوكۋگولپروم» جشس قازان ايىندا شىعىس قازاقستان وبلىسىنىڭ كوممۋنالدىق-تۇرمىستىق قاجەتتىلىكتەرى ءۇشىن 180 مىڭ توننادان استام كومىر تيەۋدى جوسپارلاپتى. الايدا وسى ايدىڭ 25 كۇنىندە 185 مىڭ توننادان استام قاتتى وتىن تيەپ, جوسپاردىڭ ورىندالۋى 128 پايىزدى قۇرادى.
مونيتورينگتىك توپتار كىرمە جولداردى ارالاۋ بارىسىندا كوممۋنالدىق-تۇرمىستىق كومىر الۋشىلاردا تۋىنداعان بارلىق ماسەلەنى جەدەل تارتىپپەن شەشىپ وتىرادى. بىرلەسىپ ۇيىمداستىرىلعان جۇمىس ناتيجەسىندە وڭىرلەردە تۇرعىنداردىڭ كومىر ساتىپ الۋىنا قاتىستى ايتارلىقتاي پروبلەمالار انىقتالماعان.
