وقيعا • 02 قاراشا, 2021

پەنجىمدەگى توبەلەس: پوليتسەيلەر بىرنەشە ءىس قوزعالعانىن ايتتى

1297 رەت

كورسەتىلدى

1 مين

وقۋ ءۇشىن

الماتى وبلىسىندا پوليتسيا قىزمەتكەرلەرى پەنجىمدەگى وقيعاعا بايلانىستى بىرنەشە ءىس قوزعاپ, تەرگەپ جاتىر, دەپ حابارلايدى Egemen.kz.

گاۋھار قاپاش

پەنجىمدەگى توبەلەس: پوليتسەيلەر بىرنەشە ءىس قوزعالعانىن ايتتى

پوليتسەيلەر سوتالدى تەرگەۋ «بۇزاقىلىق» جانە «دەنساۋلىققا قاساقانا اۋىر زيان كەلتىرۋ» باپتارى بويىنشا تەرگەۋ جۇرگىزىلىپ جاتىر. وقيعانىڭ ءمان-جايىن انىقتاۋ ءۇشىن جەدەل-تەرگەۋ توبى قۇرىلعان. قازىردىڭ وزىندە توبەلەسكەندەر انىقتالعان. سونداي-اق ءتيىستى ساراپتامالار, جەدەل-ىزدەستىرۋ شارالارى تاعايىندالعان.

پوليتسيا دەپارتامەنتىنىڭ مالىمەتىنشە, بۇل ءىس بويىنشا كۇدىكتىلەر مەن ۇستالعاندار سانى جانە باسقا دا مالىمەت جاريا ەتۋگە جاتپايدى.

ايتا كەتەيىك, 27 قازاندا الماتى وبلىسىنىڭ پەنجىم اۋىلىندا ابدوللا روزىباكيەۆ اتىنداعى مەكتەپتە 9-10-سىنىپ وقۋشىلارى اراسىندا توبەلەس شىققان. توبەلەس كەزىندە بالالاردىڭ ءبىرى اۋىر جاراقات العان. پانفيلوۆ اۋدانى اكىمىنىڭ ايتۋىنشا, ول قۇلاپ, باسىن جارالاپ العان.

كەيىن الماتى وبلىسى دەنساۋلىق ساقتاۋ باسقارماسى پەنجىم اۋىلىندا جاپپاي توبەلەس كەزىندە زارداپ شەككەن وقۋشىنىڭ جاعدايى تۋرالى مالىمدەدى. 27 قازاندا 2005 جىلى تۋعان مەكتەپ وقۋشىسى پانفيلوۆ اۋدانارالىق كوپسالالى اۋرۋحاناسىنا تۇسكەنى بەلگىلى بولدى.