«ۇلتتىق پاركتەردى قوقىسپەن لاستاۋ ماسەلەسى شىنىمەن وزەكتى. ءبىزدىڭ ينسپەكتورلار ونىمەن اينالىسىپ جاتىر. ۇلتتىق پاركتەردىڭ ءوز ينسپەكتورلارى بار, اۋماقتىق ينسپەكتسيالاردىڭ وكىلەتتى ينسپەكتورلارى بار. ولار وسىعان دەيىن قوقىسپەن كۇرەسىپ كەلگەن, ءالى دە كۇرەسە بەرەدى. بۇل جەردەگى جالعىز ماسەلە – ينسپەكتورلاردىڭ سانى از. قالاي دەسەك تە, ىشكى تۋريزم ارتىپ كەلەدى. ۇلتتىق پاركتەرگە بارۋشىلاردىڭ ۇلەسى كوبەيىپ جاتىر. ينسپەكتورلاردىڭ ۇلتتىق پاركتى قوقىستان تازارتۋدان باسقا دا مىندەتتەرى كوپ. سوندىقتان مامان تاپشىلىعى بار. ءبىز ۇلتتىق ساياباقتارعا كىرگەنى ءۇشىن الاتىن تولەمنىڭ ءبىر بولىگىن قوسىمشا جۇمىس كۇشىن جالداۋعا باعىتتاعالى وتىرمىز», دەدى ول ورتالىق كوممۋنيكاتسيالار قىزمەتىندە وتكەن بريفينگىدە.
ماماننىڭ مالىمەتى بويىنشا, ەلدەگى ۇلتتىق پاركتەردىڭ بارىندەگى ينسپەكتورلاردىڭ سانى 800-گە دە جەتپەيدى.
«ەلدەگى ۇلتتىق تابيعي پاركتەردە بارلىعى 750-800 ينسپەكتور بار. بۇل ينسپەكتورلار تەك تۋريستىك نىسانداردىڭ تازالىعىن كۇزەتۋمەن شەكتەلمەيدى. ۇلتتىق پاركتەردىڭ ەڭ كىشىسى 50 مىڭ گەكتارعا سوزىلىپ جاتسا, ەڭ ۇلكەندەرى 700 مىڭ گەكتارعا دەيىن جايىلىپ جاتىر. وسى اۋماقتىڭ بارىندە ورمان شارۋاشىلىعىمەن بايلانىستى باسقا دا جۇمىستارى بار. ياعني, 700 ينسپەكتور تۋريستىك نىسانداردان شىقپايدى دەگەن تۇسىنىك بولماۋى كەرەك. ورمان القابىن قالپىنا كەلتىرۋ, ورتتەن قورعاۋ, وسىمدىكتەر مەن جانۋارلار الەمىن كۇزەتۋ سياقتى جۇمىستارى بار. سوندىقتان تۋريستىك نىساندارداعى ينسپەكتورلاردىڭ جەتىسپەيتىنى راس», دەدى كوميتەت توراعاسىنىڭ ورىنباسارى.
