«اتفبانك» اق باسقارما توراعاسى ەنتوني ەسپينا: «بانك جۇمىسىندا تۇراقتىلىق بار»

– «اتفبانك» اق تەڭگە باعا­مىنا تۇزەتۋ ەنگىزىلگەننەن كەيىن دە تۇراقتى جۇمىسىن جالعاستىرىپ كەلەدى. بانكتە ءوز سالىمشىلارى اراسىنداعى دەپوزيتتەردىڭ قايتىپ الىنۋى تىركەلمەدى جانە وتىمدىلىكتىڭ جوعارى دەڭگەيى قامتاماسىز ەتىلۋدە. «اتفبانك» اق دامۋىنىڭ جاڭارتىلعان ستراتەگياسى تۇراقتىلىقتى اسا ماڭىزدى باسىمدىق دارەجەسىنە كوتەرمەك. اكتسيونەرلەر اۋىسقان كەزدەن باستاپ وتكەن جىلدىڭ ونە بويىندا بانكتىڭ مەنەدجەرلەر توبى بيزنەستى نىعايتۋ جانە قارجىلىق كورسەتكىشتەر ءوسىمىن قامتاماسىز ەتۋ جولىندا تەر توكتى. ءبىز نارىقتاعى اعىمدىق احۋالدى مۇقيات باقىلاۋدامىز. بولعان جايلاردىڭ ءبارىن ايقىن ءارى اقيقات سيپاتىندا تۇسىنۋدەمىز. جيناقتالعان تاجىريبەمىز بەن ءبىلىم-بىلىگىمىز بىزگە وسىلاي ىستەۋگە مۇمكىندىك بەرۋدە. ال سوڭعى ۋاقىتتا قول جەتكەن قارجى تۇراقتىلىعىنداعى جەتىستىكتەرىمىز سابىرلى جانە سەنىمدى بولۋىمىزعا جاقسى نەگىز بولا الادى. وسى جاقىندا عانا بانك وتكەن جىلدىڭ قورىتىندىلارىن شىعاردى. 2013 جىلعى اۋديتتەلمەگەن قارجى ەسەبىنە سايكەس 1,782 ملرد. تەڭگە كولەمىندە تازا پايدا كورسەتىلدى. بۇل ءبىزدىڭ دۇرىس جولدا ەكەنىمىزدى ايعاقتايتىن اسا ماڭىزدى وقيعا. سوڭعى رەت بانك التى جىل بۇرىن – 2007 جىلى پايدامەن شىققان بولاتىن. وتكەن جىلى بانك مەنەدجمەنتى مەرزىمى وتكەن قارىزدارعا جانە كوميسسيالىق شىعىنداردى قىسقارتۋعا بايلانىستى جۇمىستارعا ەرەكشە كوڭىل ءبولدى. وسى باعىتتارداعى قىزمەت بىرقاتار باسقا جايتتارمەن قوسىلا كەلگەندە بانكتىڭ تازا پايداعا شىعۋىنا سەپتىگىن تيگىزدى. وتكەن جىلدىڭ 12 ايىندا ءبىزدىڭ بانك ءوزىنىڭ اقشالاي اكتيۆتەرىن 51 پايىزعا جانە ولاردىڭ ەكۆيۆالەنتتەرىن 199,982 ملرد. تەڭگەگە ءوسىردى. كەلەسى جەتىستىگىمىز ءبىزدىڭ كليەنتتەر سالىمدارىنىڭ ءوسۋى بولىپ وتىر. مىسالى, وتكەن جىلى «اتفبانك» اق-تاعى دەپوزيتتەر كولەمى 17 پايىزعا ۇلعايدى. مۇنىڭ ءوزى حالىقتىڭ بىزگە دەگەن سەنىمى ءوسىپ وتىرعاندىعىن تىكەلەي كۋالاندىرادى. سونىمەن قاتار بارلىق دەپوزيتتەردىڭ ساقتالىمدىلىعىنا «قازاقستاننىڭ دەپوزيتتەردى كەپىلدەندىرۋ قورى» كەپىلدىك بەرگەن. وتكەن جىلى بانكتە 35 مىڭنان استام جاڭا دەپوزيتتەر اشىلدى. 2013 جىلدىڭ ءون بويىندا «اتفبانك» اق «دامۋ» كاسىپكەرلىكتى دامىتۋ قورىنىڭ مەملەكەتتىك باعدارلامالارىنا قاتىسۋ ارقىلى شاعىن جانە ورتا بيزنەس سۋبەكتىلەرىن قولداۋعا ەرەكشە كوڭىل ءبولدى. وتكەن جىلى قور باعدارلامالارى شەڭبەرىندە (بيزنەس-2020 جول كارتاسىنان تىس) بەرىلگەن نەسيەلەردىڭ 17,75 پايىزى ءبىزدىڭ بانك ۇلەسىنە ءتيدى. ناق وسى كورسەتكىش بويىنشا ەكىنشى دەڭگەيدەگى قازاقستاندىق بانكتەر اراسىندا ءبىرىنشى ورىن الدىق. بانك 526 قارىز الۋشىعا 12,902 ملرد. تەڭگە سوماسىندا 1095 نەسيە بەردى. وسىنىڭ ارقاسىندا 341 جۇمىس ورنى اشىلدى. وسىنداي اۋىز تولتىرىپ ايتار جاعدايلار تىندىرىلعان جۇمىس اۋقىمىن ءادىل باعالاۋعا مۇمكىندىك بەرەدى جانە «اتفبانك» اق سەنىمدى قارجى ينستيتۋتى ەكەندىگىن تاعى ءبىر رەت ايعاقتايدى. بيىلعى جوسپارلارمەن بولىسە وتىرساق, الدىمىزعا نەعۇرلىم جوعارى ماقساتتار قويىپ وتىرعانىمىزدى اتاپ ايتپاقپىن. ءبىزدىڭ دامۋ ستراتەگيامىز تاياۋداعى كەلەشەكتە بولاتىن ءبىرتۇتاس كەشەندى وزگەرىستەردى قامتيدى, سونىڭ ىشىندە جاڭا كەڭسەجايلار اشىلماق. وسى رەتتە قىزمەتىمىزدىڭ جوعارى ساپاسى جانە كليەنتتەردىڭ كوڭىلىنەن شىعۋعا دەگەن ۇمتىلىسىمىز وزگەرىسسىز قالا بەرمەك. «اتفبانك» اق ءوز كليەنتتەرىنە مىندەتتى تۇردە جاڭا ونىمدەر مەن قىزمەتتەر ۇسىناتىن بولادى. سولاردىڭ ءبىرى جەتىلدىرىلگەن ATF24 ينتەرنەت-بانكينگى بولماق. سونىمەن بىرگە وتكەن جىلعى بارلىق باستامالار جالعاسىن تابادى. ءبىز بانكتىڭ تۇراقتى ءوسىمىن قامتاماسىز ەتەتىن جاڭا ماقساتتاردى العا قويامىز. ول ماقساتتار مىندەتتى تۇردە جۇزەگە اسادى. بۇل ءۇشىن بىزدە بارلىق قاجەتتى رەسۋرستار, ەڭ باستىسى, تاماشا كاسىبيلەر كومانداسى جانە كليەنتتەرىمىز بەن ارىپتەستەرىمىزدىڭ بىزگە دەگەن سەنىمى بار.  جازىپ العان قورعانبەك امانجول, «ەگەمەن قازاقستان».  الماتى.