«ەرەكشە جىل وقيعاسى بولارى ءسوزسىز»

جاقىندا مەملەكەتتىڭ مادەني ومىرىندە وراسان ءماندى وقيعا بولدى – قازاق فولكلورىنىڭ 100 تومدىعىن جارىققا شى­عارۋ اياقتالدى. وسىعان وراي پار­لامەنت ءماجىلىسىنىڭ دەپۋتاتى الدان سمايىل باستاعان ءبىر توپ حالىق قالاۋلىلارى ۇكىمەت باسشىسى سەرىك احمەتوۆتىڭ اتىنا دەپۋتاتتىق ساۋال جولداعان ەدى. «مۇنداي باسىلىم الەم ءما­دەنيەتىنىڭ تاريحىندا بۇرىن-سوڭدى بولعان ەمەس. دۇنيە ديدارىندا فولكلورى ءجۇز تومدى قۇرايتىن باسقا ۇلت بار بولسا, بار دا شىعار, بىراق فولكلورىن ءجۇز تومعا جيناپ, باستىرىپ شىعارعان الەمدەگى جالعىز ۇلت – قازاق ەكەنى انىق. بۇل – الەم­دىك ءمانى بار وقيعا, ۇلت رەتىن­دە ماقتانىش ەتەتىن رۋحاني جە­تىس­تىگىمىز», دەپ جازعان دەپۋتاتتار وسى وقيعاعا تيىسىنشە ءمان بەرىلۋى, ۇكىمەت دەڭگەيىندە كوڭىل ءبولىنۋى, ەلدىڭ ىشىندە دە, سىرتىندا دا لايىقتى ناسيحاتتالۋى قاجەت دەپ سانايتىنىن جەتكىزگەن. جاقىندا ول ساۋالعا جاۋاپ قايتارىلدى. «حالقىمىزدىڭ سان عاسىرلىق اۋىز ادەبيەتى جيناعىنىڭ تۇ­ساۋ­كەسەرىن حالىقارالىق دەڭ­­گەيدە ­وتكىزۋ قازاقستاندىق ءجا­نە شەتەلدىك عالىمدار مەن ادە­بيەت­تانۋشىلار ءۇشىن ەرەكشە جىل وقي­عاسى بولارى ءسوزسىز», دەگەن سە­رىك نىعمەت ۇلى شارانىڭ ماڭىز­دىلىعىن ەسكەرە وتىرىپ, «با­بالار ءسوزى» جيناعىنىڭ تۇساۋ­كەسەرىن ماينداعى فرانك­فۋرت قالاسىندا 2014 جىل­دىڭ قازان ايىندا وتەتىن جىل ساي­ىنعى حالىقارالىق كىتاپ ءجار­مەڭ­كە­سىندە وتكىزۋدى ءتيىستى مەملە­كەتتىك ورگاندارعا تاپسىرعانىن ايتادى, سونىمەن قاتار, ءبىلىم جانە عى­لىم مينيسترلىگى «مادەني مۇ­را» باعدارلاماسى باعىتىندا الەمدىك دەڭگەيدەگى باسىلىمداردا عىلىمي ماقالالاردى  جاريالاۋ جۇمىستارىن جۇرگىزۋدە جانە وسى 100 تومدىق جيناق جونىندە دە ماتەريالداردى جارىققا شى­عارۋدى جوسپارلاۋدا دەپ حابار­لايدى. قىسقاسى, ۇكىمەت باس­شى­سىنىڭ «ەگەمەن قازاقستان» گا­زەتىنىڭ بەتىندە 16 قاڭتاردا جا­ريا­لانعان دەپۋتاتتىق ساۋالعا جاۋا­بى مادەنيەتكە ناقتى قام­قور­لىقتىڭ كەلىستى كورىنىسى دەۋگە, «بارەكەلدى!» دەپ قۋانا قۇپتاۋعا  لايىقتى. «ەگەمەن-اقپارات».