ۋاقىت تالابى تۇرعىسىندا

جەتىسۋ جەرىندە ۋاقىت تالابىنا ساي جاڭاشا جۇمىس ىستەۋ بىرتىندەپ قارقىن الۋدا. ەلباسىنىڭ باعىت-باعدارىن ۇعىنىپ قانا قويماي ناقتى ومىردە جۇزەگە اسىرۋدا باتىل قادامدار ءار سالادا وركەن جايۋدا. «شەتەلدىك جانە وتاندىق ينۆەس­تيتسيا تارتىپ, وزىمىزدە وندىرىستەر اشۋعا دايىن ينۆەستورلاردى قولداۋدامىز», دەپ باستالعان وبلىس اكىمى اڭسار مۇساحانوۆتىڭ ەسەپتى بايانداماسى ودان ءارى بىلاي جالعاستى. ونەركاسىپ ءونىمىنىڭ كولەمىن 3 پايىزعا ءوسىرۋ, وڭىرلىك يندۋستريالاندىرۋ كارتاسى اياسىندا ىسكە قوسىلعان نىسانداردىڭ تولىق قۋاتتىلىعىن ارتتىرادى. «جۇمىسپەن قامتۋدىڭ جول كارتاسى-2020» باعدارلاماسى اياسىندا, «قازاگرو», «دامۋ» اق-تار ۇسىنعان جەڭىلدىكتەردى پايدالانا وتىرىپ, كاسىپكەرلىكپەن اينالىساتىن ازاماتتار سۇرانىستارىنا وراي نەسيە بەرىلۋدە. ەلباسى تاپسىرماسىنا سايكەس 2016 جىلعا قاراي 10 مىڭ توننا ەت ەكسپورتىن قامتاماسىز ەتۋ ءۇشىن اسىل تۇقىمدى مال باسىنىڭ ۇلەس سالماعىن ارتتىرىپ, مال بورداقىلاۋ الاڭدارىن قۇرۋ جۇمىسىن جانداندىرۋدامىز. «اگروبيزنەس -2020» باعدارلاماسىنىڭ تەتىكتەرىن قولدانۋ ارقىلى مال جايىلىمدارىن سۋلاندىرۋ ءۇشىن قۇدىقتار قالپىنا كەلتىرىلۋدە. ءبىلىم سالاسىنىڭ بيۋدجەتى 2013 جىلى 89,3 ملرد. تەڭگەگە ءوستى. وتكەن جىلى بارلىعى 47 نىسان سالىنىپ, قايتا جاڭارتىلدى جانە سەيسميكالىق كۇشەيتۋدەن ءوتتى, ونىڭ 28-ءى پايدالانۋعا بەرىلدى, سونىڭ ىشىندە 4120 ورىنعا ارنالعان 18 مەكتەپ, 1570 ورىندىق 8 بالاباقشا بار. 53 ءبىلىم بەرۋ نىسانى كۇردەلى جوندەۋدەن ءوتتى. وبلىستىڭ دەنساۋلىق ساقتاۋ سالاسىنىڭ بيۋدجەتى 60,8 ملرد. تەڭگەگە جەتىپ ەسەپتى كەزەڭدە ەكى ەسەگە ارتتى. دارىگەرلەرمەن قامتاماسىز ەتۋ دەڭگەيى 10 مىڭ تۇرعىنعا شاققاندا –24,1, ورتا مەديتسينالىق قىزمەتكەرلەر – 63,6. وتكەن جىلى 11 دارىگەرلىك امبۋلاتوريا, 2 اۋرۋحانا جانە 4 باسقا دا دەنساۋلىق ساقتاۋ نىساندارى سالىنىپ, 21 نىسانعا كۇردەلى جوندەۋ جۇمىستارى ءجۇر­گىزىلدى. ناتيجەسىندە, وبلىستىڭ مەدي­تسينالىق مەكەمەلەرىنىڭ ساني­تارلىق اۆتوكولىكپەن قامتى­لۋى ورتا ەسەپپەن 97, مەديتسي­نالىق قۇرال-جابدىقپەن جانە مەديتسيناعا ارنالعان بۇيىم­دار­مەن جابدىقتالۋ دەڭگەيى 76 پايىزدى قۇرادى. مادەنيەت جانە مۇراعاتتار سالاسىنىڭ بيۋدجەتى 5,5 ملرد. تەڭگەنى قۇراپ, 21 مادەنيەت نىسانى كۇردەلى جوندەۋدەن ءوتتى. جالپى, 21 تۋريستىك ينفراقۇرىلىمىن سالۋ ءۇشىن 1,7 ملرد. تەڭگە جەكە ينۆەستيتسيا تارتىلدى. «وڭىرلەردى دامىتۋ» باعدارلاماسى اياسىندا 28 مەكتەپ جانىنداعى سپورت الاڭدارى جاسالىپ, وعان جاتتىقتىرۋشىلار ءبولىندى. ەكى ياكورلىق جوبا: «ەلەك­تروليزدىك مەتالدى مارگانەتس ءوندىرۋ», «يننوۆاتسيالىق تەحنولوگيا بويىنشا تەمىر كەنىن شىعارۋ جانە وڭدەۋ ارقىلى شويىن الۋ» جۇزەگە اسىرىلۋدا. قوسالقى جانە قىزمەت كورسەتۋشى 3 ءوندىرىستى ورنالاستىرۋ جۇمىستارى جۇرگىزىلۋدە. كاسىپكەرلىكتى جانە جاڭا وندىرىستەردى دامىتۋ ءۇشىن 7 جوباعا گرانت بولىنگەن, ءتورت جوبا سۋبسيديالاندى. بيىلعى جىلى تەكەلى قالاسىن دامىتۋدىڭ كەشەندىك جوس­پارى اياسىندا بارلىعى 13 جوبا جۇزەگە اسىرىلادى. مەملەكەتتىك جاستار ساياساتىن جۇزەگە اسىرۋ ءۇشىن 2013 جىلى وبلىس بيۋدجەتىنەن 209 ملن.تەڭگە ءبولىندى. «ديپلوممەن – اۋىلعا» باعدارلاماسى اياسىندا 377 جاس مامانعا تۇرعىن ءۇي ساتىپ الۋ ءۇشىن جالپى سوماسى 958 ملن.تەڭگەگە جەڭىلدەتىلگەن نەسيەلەر بەرىلىپ, 695 مامان كوتەرمە جاردەماقى الدى. وبلىس اۋماعىندا ازىق-ت ۇلىك باعاسى مەن تاريفتەردىڭ نەگىزسىز وسۋىنە جول بەرمەۋگە باعىتتالعان جۇمىستار جالعاستىرىلادى», دەدى اڭسار مۇساحانوۆ. كەلەسى كەزەكتە تۇرعىندار تاراپىنان جازباشا جانە اۋىزشا سۇراقتار قويىلىپ, وبلىس اكىمى جاۋاپ قايتاردى. تالدىقورعان – الماتى قالالارىنىڭ ورتاسىندا جولاۋشىلار تاسىمالداۋ ءۇشىن جۇرگىزىلگەن تىركەمە ۆاگوندار تيىمدىلىگى, الماتى-تالدىقورعان اراسىندا قۇرىلىسى 2016 جىلى اياقتالادى دەپ جوسپارلانعان اۆتوكولىك جولى, وبلىس ورتالىعىنان تالاپقا ساي كەلەتىن جاڭا تەاتر عيماراتىن سالۋ ماسەلەسى دەپ تىزبەلەنگەن سۇراقتارمەن قاتار, الىستاعى ەلدى مەكەندەردەگى اپاتتىق جاعدايداعى مەكتەپتەر جانە وقۋشىلاردىڭ ءۇش اۋىسىممەن وقيتىندىعى سەكىلدى وزەكتى ماسەلەلەر دە وتكىر قويىلدى. تۇتاستاي العاندا, اڭسار مۇساحانوۆتىڭ وبلىستا وسىعان دەيىن قوردالانىپ قالعان پروبلەمالاردى دۇرىس رەتتەپ جۇرگەندىگىن ەل اشىق ايتىپ, جۇمىسىنا قانا­عاتتانارلىق, ءتىپتى جاقسى, وتە جاقسى دەگەن باعالارىن دا بەردى. نۇربول الدىباەۆ, «ەگەمەن قازاقستان». الماتى وبلىسى.