«زەرتتەۋ ناتيجەلەرى ۆاكتسينانىڭ ءۇشىنشى دوزاسى ەكپەدەن كەيىنگى ءبىر اپتادان سوڭ Covid-19-بەن بايلانىستى اۋىر سالدارلاردىڭ الدىن الاتىنىن دالەلدەدى», دەلىنگەن The Lancet جۋرنالىندا جاريالانعان ماقالادا.
MedicalXpress عىلىمي جۇمىسىندا بۇل سىناق 2021 جىلدىڭ 30 شىلدەسىنەن 23 قىركۇيەگىنە دەيىن جۇرگىزىلگەنى ايتىلدى. بۇل يزرايلدەگى كوروناۆيرۋس ينفەكتسيانىڭ ءتورتىنشى تولقىنىمەن سايكەس كەلدى, ونىڭ بارىسىندا Delta نۇسقاسى (B.1.617.2) ەلدە باسىم شتامعا اينالدى.
«12 جاستان اسقان 728 321 ادامنىڭ دەرەكتەرى تالداندى, ولار BNT162b2 ۆاكتسيناسىنىڭ ءۇشىنشى دوزاسىن الدى. ءار پاتسيەنت تەك ەكى ۆاكتسينا العان اداممەن سالىستىرىلدى», دەپ تولىقتىردى ساراپشىلار.
عالىمدار بەس اي بۇرىن تەك ەكى دوزانى قابىلداعاندارمەن سالىستىرعاندا ۆاكتسينانىڭ ءۇش دوزاسىن العان پاتسيەنتتەردە Covid-19-عا بايلانىستى اۋرۋحاناعا جاتقىزۋ قاۋپى 93%-عا, اۋىر Covid-19 قاۋپى 92%-عا, ال COVID-19-عا بايلانىستى ءولىم قاۋپى 81%-عا تومەندەگەنىن انىقتادى. سونىمەن قاتار ۆاكتسينانىڭ تيىمدىلىگى ءارتۇرلى جىنىستاردا, جاس توپتارىندا (40-69 جانە 70 جاستان اسقان) بىردەي بولدى جانە قاتار جۇرەتىن اۋرۋلاردىڭ سانىنا بايلانىستى بولمادى.
