ء«ىىم تەرگەۋ-جەدەل توبى قازاقستان تاۋەلسىزدىگى تاريحىنداعى ەڭ ءىرى قارجى پيراميداسىنىڭ باسشىلارىنا قاتىستى قىلمىستىق ءىس بويىنشا سوتقا دەيىنگى تەرگەۋدى اياقتادى», دەپ حابارلادى ءنۇردىلدا وراز.
ونىڭ ايتۋىنشا, تەرگەۋ بارىسىندا 2016 جىلدىڭ ناۋرىزىنان باستاپ 2017 جىلدىڭ ماۋسىمىنا دەيىن يسپانيا, كابو-ۆەردە جانە رەسەي ازاماتتارى قازاقستان اۋماعىندا «كۋەسترا ۋورلد» قارجى پيراميداسىن قۇرىپ, ونى قۇرامىنا قازاقستاندىقتار تارتىلعان ترانسۇلتتىق ۇيىمداسقان توپ قۇرامىندا باسقارعانى انىقتالدى.
ول پيراميدا باسشىلارى سالىنعان سومانىڭ 336%-نا دەيىن تابىستىلىققا كەپىلدىك بەرە وتىرىپ, سالىمشىلارعا ۆيرتۋالدى ۆاليۋتانى پايدالانىپ, قۇنى 90-نان 500 مىڭ ەۋروعا دەيىنگى ويدان شىعارىلعان ينۆەستيتسيالىق پورتفەلدەردى ساتىپ الۋدى ۇسىنعانىن قوستى.
«بۇل رەتتە تارتىلعان قاراجات ءبىر قاتىسۋشىلاردى جاڭا سالىمشىلاردىڭ جارنالارى ەسەبىنەن بايىتا وتىرىپ, ءوزارا قايتا ءبولىندى. قارجى پيراميداسىنا قازاقستاننىڭ مىڭداعان ازاماتتارى تارتىلدى. كەلتىرىلگەن ماتەريالدىق شىعىن سوماسى 1 ملرد تەڭگەدەن استى. قىلمىستىق ءىس بويىنشا ءتورت ادام, ونىڭ ىشىندە بۇرىن بەلارۋستەن ەكستراديتسيالانعان رەسەي فەدەراتسياسىنىڭ ازاماتى جاۋاپكەرشىلىككە تارتىلدى», دەپ اتاپ ءوتتى ءنۇردىلدا وراز.
