شاھاردا «Vet Qyzmet» پيلوتتىق جوباسى ىسكە قوسىلدى. ەندى قالا تۇرعىندارى ۇيىنەن شىقپاي ءموبيلدى قوسىمشانى جۇكتەپ, ۆەتەريناريالىق مەكەمەگە ەلەكتروندى تۇردە ءوتىنىم قالدىرا الادى.
بۇل جوبا ەلىمىزدە عانا ەمەس, تمد ەلدەرى اراسىندا شىمكەنتتە العاش بولىپ قولعا الىنىپ وتىر. قالا اكىمى پيلوتتىق جوبانىڭ جۇمىس ىستەۋ بارىسىن ارنايى تەكسەرىپ, تولىقتىرۋلار ەنگىزۋ جانە تۇرعىندارعا كەڭىنەن ءتۇسىندىرۋ جونىندە تاپسىرما بەرگەن بولاتىن.
وسىعان وراي قازىر قوسىمشاعا 2 ۆەتەريناريالىق بەكەت ەنگىزىلدى, 40 ازاماتتىڭ ءوتىنىشى قوسىمشا ارقىلى قابىلداندى. قازىر تەك «اندرويد» پايدالانۋشىلارى ءۇشىن قولجەتىمدى, تەگىن جۇكتەيدى. تەستىلەۋدەن وتكەن سوڭ قالعان 4 بەكەت تە ەنگىزىلەدى, «ios»-قا دا قوسىلادى.
جۇيەنىڭ ارتىقشىلىقتارى:
- ۋاقىت ۇنەمدىلىگى;
- جەدەل قىزمەت كورسەتۋ;
- تاۋلىك بويى قولجەتىمدىلىك;
- ورىندالعان قىزمەت تۋرالى انىقتاما الۋ;
- كەزەكتىڭ بولماۋى;
- قولداۋ قىزمەتى جۇمىس ىستەيدى;
- ۋچاسكەلىك ۆەتەريناردى شاقىرۋ.
اۋماقتاعى ەپيزووتيالىق جاعدايدى تاۋلىك بويى باقىلاپ, ۆەتەريناريالىق دارىگەرلەردىڭ جۇمىسىن باعالاي الادى. ۆەتەريناريالىق پاسپورت پەن كارتا, ۆەتەريناريالىق قىزمەتتەر جانۋاردىڭ يەسىنە جۇيەدە تىركەلگەننەن كەيىن قولجەتىمدى بولادى. ءوز جانۋارلارى تۋرالى اقپاراتتى دا بىردەن ەنگىزە الادى.
بۇل – ىندەتتىڭ, اسىرەسە جانۋارلار مەن ادامدارعا ءتان اۋرۋلاردىڭ قاۋپىن ازايتۋدىڭ ءتيىمدى قۇرالى.
ودان بولەك, ۆەتەرينارلارعا ارنايى بىركەلكى كيىم ۇلگىسى جاسالدى. ارنايى كيىم جۇمىس جاساۋعا ىڭعايلى ەتىپ تىگىلگەن. وعان qr كود ورنالاستىرىلىپ, تۇرعىندار مامان تۋرالى تولىق اقپارات الا الاتىن بولادى. بۇل تۇرعىنداردىڭ دۇرىس جانە ساپالى قىزمەت الۋىنا مۇمكىندىك بەرەدى.
