ء«بارىمىز جاقسى ءتۇسىنىپ وتىرمىز, قازىر IT سالاسى ءۇشىن جوو-لار دايارلايتىن مامانداردىڭ دەڭگەيى اسا جوعارى ەمەس – ياعني جوو-لار ساپاسى تومەن مامانداردى بەرىپ وتىر. بۇل دا ءبىزدىڭ ورتاق پروبلەمامىز. سوندىقتان ءبىز ءبىلىم جانە عىلىم مينيسترلىگىمەن بىرلەسىپ, 50 وڭىرلىك جوو-نىڭ IT-فاكۋلتەتتەرىن بەيىندى IT-ۋنيۆەرسيتەتتەرگە نەمەسە قالىپتاسىپ ۇلگەرگەن IT-كومپانيالاردىڭ قامقورلىعىنا بەرۋ جۇمىستارىن جۇرگىزەتىن بولامىز», دەدى مينيستر ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.
سونىمەن بىرگە مينيستر IT ستارتاپشىلار ءۇشىن «رەتتەۋشى ورتانىڭ» بولۋى ماڭىزدى ەكەنىن جەتكىزدى.
«مىسالى, ستارتاپشى پيتستسانى درونمەن جەتكىزگىسى كەلسە, بۇل ءۇشىن ەلىمىزدە زاڭناما بازاسى جوق. نەمەسە بىرەۋ اۆتونومدى كولىكتى ەش جۇرگىزۋشىسىز سىناپ كورگىسى كەلەدى. وعان دا قازاقستاندا زاڭناما نەگىزى جوق. مۇنداي تەحنولوگيالاردى سىناقتان وتكىزۋ ءۇشىن بەلگىلى ءبىر اۋماقتا «رەتتەۋشى ورتا» قۇرۋ قاجەت. سول اۋماقتا مۇنداي جاڭا تەحنولوگيالاردى قولدانۋعا بولادى جانە ستارتاپتار ءوز جاڭالىقتارىمەن جۇمىس ىستەي الادى», دەپ ءتۇسىندىردى ب. مۋسين.
