قوعام • 28 قازان، 2021

مۇقتاجدىڭ مۇڭىن بولىسكەن مەيىرىمدى ماماندىق

66 رەت كورسەتىلدى

قاريالارعا قولۇشىن سوزىپ، ەرەكشە كۇتىمدى قاجەت ەتەتىن ەرەسەكتەر مەن بالالاردىڭ، تابىسى تومەن تۇرعىنداردىڭ قامقورشىسىنا اينالعان جاناشىر جاندار بار ارامىزدا. وتانداستارىمىز وسىنداي مەيىرىم مەن جان جىلۋىن اۋەلى الەۋمەتتىك قىزمەتكەرلەردىڭ بويىنان كورىپ كەلەدى. مۇقتاجدىڭ مۇڭىن بولىسكەن مۇنداي ماماندىق يەلەرىنىڭ سانى قازاقستاندا قازىر 12 مىڭنان اسادى. ونىڭ 10 مىڭى مەديتسينالىق-الەۋمەتتىك مەكەمەلەردە ەڭبەك ەتەدى.

ەلىمىز ەگەمەندىك العان جىلداردان بەرى الەۋمەتتىڭ الەۋەتى نازاردان تىس قالعان جوق. ءومىردىڭ قيىن جاعدايىنا تاپ بولعان جاندارعا مەملەكەت قاشاندا قولۇشىن سوزۋعا دايار.

بۇل تۋرالى پرەزيدەنت قاسىم-جومارت توقاەۆ «حالىق بىرلىگى جانە جۇيەلى رەفورمالار – ەل وركەندەۋىنىڭ بەرىك نە­گىزى» اتتى قازاقستان حالقىنا جول­­داۋىن­­دا «قازاقستان – الەۋمەتتىك مەملەكەت. سوندىقتان قيىن جاعدايعا تاپ بولعان ازاماتتارعا جان-جاقتى كومەك كورسەتۋ – باستى مىندەتتەردىڭ ءبىرى»، دەپ اشىق ايتقان بولاتىن. الايدا پرەزيدەنت قوعامدا پاتەرناليستىك كوڭىل كۇي جانە الەۋمەتتىك ماسىلدىق ءۇردىسى بەلەڭ الىپ بارا جاتقانىن دا العا تارتادى. اسىرەسە، الەۋمەتتىك باعدارلامالاردى ادەيى جەكە مۇددەسىنە پايدالاناتىن ازاماتتاردىڭ قاتارى كوبەيدى. «ەڭ باستىسى، الەۋمەتتىك جەڭىلدىككە يە بولسام دەگەن ورىنسىز پيعىل ادامدى ءوز ەڭبەگىمەن تابىس تابۋ قابىلەتىنەن ايىرادى. مۇنداي جاعىمسىز ءومىر سالتى ۇرپاق تاربيەسىنە قازىردىڭ وزىندە كەرى اسەر ەتە باستادى. سوندىقتان بىزگە تۇبەگەيلى وزگەرىس كەرەك. زاڭ دا، قوعام دا، ادامداردىڭ سانا-سەزىمى دە وزگەرۋگە ءتيىس»، دەدى مەملەكەت باسشىسى.

سوعان قاراماستان «قاناتىمەن سۋ سەپكەن قارلىعاشتاي» الەۋمەتتىك قىز­مەت­كەرلەردىڭ ەسەلى ەڭبەگى دە ەسكەرۋسىز قال­مايتىنى انىق. سونىڭ جارقىن دا­لەلى رەتىندە ەلىمىزدە قازان ايىنىڭ سوڭ­عى جەكسەنبىسىندە الەۋمەتتىك قورعاۋ جۇ­يەسى قىزمەتكەرلەرىنىڭ كۇنى اتاپ وتى­لە­دى. ايتسە دە ەلىمىزدەگى الەۋمەتتىك قىز­­مەتكەرلەردىڭ مارتەبەسى ءالى دە اي­قىن­­دالعان جوق. بۇل رەتتە، ەلىمىزدە مۇم­كىن­­دىگى شەكتەۋلى جانداردىڭ قۇقىعىن قام­­تاماسىز ەتۋ جانە ءومىر ءسۇرۋ ساپاسىن جاق­سارتۋ جونىندەگى ۇلتتىق جوسپاردى ىسكە اسى­رۋ اياسىندا 2025 جىلعا دەيىن الەۋ­مەت­تىك قىزمەتكەرلەردىڭ مارتەبەسى مەن الەۋە­تىن ارتتىرۋ بەلگىلەنەتىن بولادى. ال بيىل الەۋمەتتىك قىزمەتكەرلەردىڭ جال­اقىسى 50%-عا ارتىپ، وسى ماقساتتا مەم­­لەكەتتىك بيۋدجەتتەن الداعى ءۇش جىل­عا 95 ملرد تەڭگەگە جۋىق قاراجات قاراس­تى­رىلدى.

جالاقى ستاتسيونارلىق (قارتتار مەن مۇ­گەدەكتەرگە ارنالعان ۇيلەر) جانە جار­­تىلاي ستاتسيونارلىق ۇلگىدەگى مە­دي­­­تسينالىق-الەۋمەتتىك مەكەمە­لەردە (كۇن­­دىز بولۋ بولىمشەلەرى، وڭالتۋ ورتا­لىق­­تارى)، ۋاقىتشا بولۋ مەكەمە­لە­رىن­دە (بەلگىلى ءبىر تۇرعىلىقتى جەرى جوق ادام­دار­عا، تۇرمىستىق زورلىق-زومبىلىق قۇر­باندارىنا ارنالعان وڭالتۋ ورتا­لىق­­تا­رى) قىزمەت ەتەتىن نەگىزگى پەرسونال (الەۋ­مەت­تىك قىزمەتكەرلەر) مەن باسشى قۇرامعا، سونداي-اق ۇيدە قىزمەت كور­سە­­تەتىن الەۋ­مەتتىك قىزمەتكەرلەرگە قا­تىستى بولدى. سونىڭ ناتيجەسىندە الەۋمەتتىك قىزمەتكەرلەردىڭ جالاقىسى 2022 جىلعى 1 قاڭتاردان باستاپ 1،75 ەسەگە، ال 2023 جىلى 2 ەسەگە وسەدى.

الەۋمەتتىك قىزمەتكەرلەردىڭ مارتە­بەسى اۋەلى زاڭ اياسىندا ايقىن­دالا­تىنى انىق. بۇل رەتتە، ەلىمىزدە «قازاقستان رەس­­پۋب­ليكاسىنداعى الەۋ­مەت­تىك قىز­مەت­كەر­دىڭ الەۋمەتتىك مارتەبەسى تۋرالى» زاڭ جوباسىنىڭ تۇجىرىمداماسى ازىرلەنىپ جاتقانىن ايتا كەتكەن ءجون. اتالعان زاڭ جوباسىنا سايكەس بىلىكتىلىك ساناتتارىن بەرۋگە قويىلاتىن تالاپتاردىڭ ارتۋىن ەسكەرە وتىرىپ، ەڭبەكاقى مولشەرىن ارتتىرۋ، اتتەستاتتاۋ جانە تىركەۋ ارقىلى الەۋمەتتىك قىزمەتكەرلەردىڭ ەسەبىن قۇ­رۋ جانە كادرلاردى دايارلاۋ، ولاردىڭ ۇزدىك­سىز كاسىبي دامۋ جۇيەسىن جەتىلدىرۋ جونىن­دە ۇسىنىستار جاسالىپ جاتىر.

بۇل رەتتە، ەڭ الدىمەن، سەرتيفيكاتتاۋ جانە ۇزدىكسىز ءبىلىم بەرۋ جۇيەسى ارقىلى الەۋ­م­ەتتىك قىزمەتكەرلەردىڭ كاسىبي داع­دىلارىن ارتتىرۋ قاجەت. بۇگىندە ەلى­مىز­دەگى الەۋمەتتىك قىزمەتكەرلەردىڭ 27%-ىندا ارناۋلى ورتا، 22%-ىندا ار­­ن­اۋ­لى ءبىلىمى جوق. سوعان بايلانىس­تى الەۋ­مەتتىك قىزمەتكەرلەردىڭ قىزمەت ايا­­سىن كەڭەيتىپ، كاسىبي ستاندارتتار­دى ارتتىرۋ كەرەك بولىپ وتىر. سونى­مەن قاتار وسى زاڭ جوباسىنا سايكەس ەڭبەكاقى پسيحوەموتسيونالدىق جۇكتەمە ءۇشىن تولەنەتىن تولەمدەردى قوسا العا­ن­دا، بىلىكتىلىك دەڭگەيىنە جانە نور­ما­تيۆتىك جۇكتەمەگە سايكەس تولەۋ جوس­پار­لانعان. سونداي-اق بۇگىندە ەڭبەك جانە حالىقتى الەۋمەتتىك قورعاۋ مي­نيستر­­لىگى الەۋ­مەت­تىك جۇمىس سالاسىن­دا حا­لىق­ارا­لىق ىن­تى­­ماقتاستىق جۇمىس­تا­رىن جۇيەلى جۇر­گى­زىپ كەلەدى.

قازاقستانداعى يۋنيسەف كەڭسەسىنىڭ وكىلى ارتۋر ۆان ديزەننىڭ ايتۋىنشا، 2020 جىلى ەڭبەك جانە الەۋمەتتىك قورعاۋ مينيسترلىگى مەن يۋنيسەف ارا­سىن­داعى ىنتىماقتاستىق شەڭبەرىندە مە­ديتسينالىق-الەۋمەتتىك مەكەمەلەر مەن جۇمىسپەن قامتۋ ورتالىقتارىنىڭ 11 مىڭ مامانى كاسىبي جانە جەكە قۇزى­رەت­تەرىنىڭ دەڭگەيىن جانە وقۋعا دەگەن قا­جەتتىلىكتەرىن انىقتاۋ ءۇشىن تەست تاپسىردى. تەستىلەۋ ناتيجەلەرى الەۋ­مەتتىك قىزمەتكەرلەردىڭ 91%-ى ءوتۋ بالىن، ال 50%-ى ورتاشا جانە ورتا­دان جوعارى بالل العانىن كورسەتتى. قازاقستانداعى يۋنيسەف كەڭسەسىنىڭ وكىلى سونىمەن قاتار، كەيىنگى ەكى جىل ىشىندە ەڭبەك جانە الەۋمەتتىك قور­عاۋ مينيسترلىگىمەن بىرلەسە وتىرىپ، الەۋمەتتىك قورعاۋ سەك­تورىنىڭ 2 مىڭعا جۋىق قىزمەتكەرى بىلىك­تىلىكتى ارتتىرۋ كۋرس­تارىنان وتكەنىن جەتكىزدى. بىلىك­تى­لىكتى ارتتىرۋ كۋرستارى بيىل دا جال­عاسىپ جاتىر. «ناقتى دەرەكتەر ۆەدومس­تۆ­وارالىق ىنتىماقتاستىققا، جەكە جوس­پارلاردى ازىرلەۋگە جانە قاۋىپ-قا­تەر دەڭگەيىنە سايكەس جانە بالانىڭ مۇددەلەرىن ەسكەرە وتىرىپ، قولداۋدى ۇيىمداستىرۋعا ەرەكشە نازار اۋدارا وتىرىپ، الەۋمەتتىك قىزمەتكەرلەردىڭ كاسىبي جانە تۇلعاارالىق قارىم-قاتىناس داعدىلارىن نىعايتۋدى جالعاستىرۋ قاجەتتىلىگىن كورسەتەدى»، دەيدى ارتۋر ۆان ديزەن.

ارينە، الەۋمەتتىك قىزمەتكەردىڭ الەۋ­ەتىن ارتتىرۋ ماسەلەسى «قازاقستان رەس­پۋبليكاسىنداعى الەۋمەتتىك قىزمەت­كەر­دىڭ الەۋمەتتىك مارتەبەسى تۋرالى» زاڭ جوباسىمەن شەكتەلمەيتىنى انىق. سونىمەن قاتار، الداعى ۋاقىتتا ەلى­مىز­دە قازاقستان رەسپۋبليكاسىنداعى الەۋمەتتىك قىزمەت جۇيەسىن ودان ءارى جاڭ­عىرتۋدىڭ 2025 جىلعا دەيىنگى جول كار­تاسى، الەۋمەتتىك قىزمەتكەرلەرگە ۇزدىكسىز ءبىلىم بەرۋدىڭ تۇجىرىمدامالىق تاسىلدەرى، وتباسى جاعدايىن انىقتاۋ ادىس­تەمەسى سىندى بىرقاتار ماڭىزدى قۇجات­تار قا­بىلدانباق.

بۇگىندە ەل اۋماعىندا رەسپۋبليكالىق دەڭگەيدە 33، ال جەرگىلىكتى دەڭگەيدە 10-نان استام الەۋمەتتىك كومەك ءتۇرى كور­سەتىلەدى. تابىسى از ازاماتتاردى الەۋ­مەتتىك قولداۋ تولەمدەرى، جاردەم­اقى­لار، ازىق-ت ۇلىك جانە تۇرمىس­تىق جيىنتىقتار، جۇمىسپەن قامتۋ سىندى كومەك جاسالادى. 2020 جىلعى مالى­مەت بويىنشا، كەيىنگى 3 جىلدا وسى ماق­سات­تار­عا ارنالعان بيۋدجەت شامامەن 1،8 ەسەگە، 551-دەن 964 ملرد تەڭگەگە دەيىن ءوسىپ وتىر. ماسەلەن، اتاۋلى الەۋمەتتىك كومەكتى قارجىلاندىرۋ 2018 جىلعى دەڭگەيمەن سالىستىرعاندا 3،5 ەسەگە – 33،2-دەن 118 ملرد تەڭگەگە دەيىن، ون جىلدا – 42 ەسەدەن استام ءوستى (2010 جىلى – 2،8 ملرد تەڭگە).

 

سوڭعى جاڭالىقتار

حاتتوننىڭ ۇلى اتتيلانى اتىنان ءتۇسىردى

كاسىپقوي بوكس • بۇگىن، 10:35

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار