«نۇر-مۇباراك» يسلام ورتالىعىنىڭ اۋماعىنان وتەتىن ديامەترى 800 مم سۋ قۇبىرىن جەكە قۇرىلىسشىلار جەر جۇمىستارىن جۇرگىزۋ كەزىندە زاقىمدادى. الايدا, بۇل جۇمىستاردى اتقارۋعا «الماتى سۋ» مكك-دان كەلىسىم الىنباعان.
«قازىر ماماندار قۇبىردى قالپىنا كەلتىرىپ جاتىر. سول سەبەپتى, سەيفۋللين – ءال-فارابي – ساتباەۆ – حودجانوۆ كوشەلەرىنىڭ بويىندا ورنالاسقان ۇيلەر مەن عيماراتتارعا سۋىق سۋ بەرۋ ۋاقىتشا شەكتەلدى», دەپ حابارلادى «الماتى سۋ» مكك ءباسپاسوز قىزمەتى.
كومپانيا مالىمەتىنشە, جوندەۋ جۇمىستارى كەشكە دەيىن جالعاسادى. سۋىق سۋ ساعات 18:00-دە قايتا بەرىلەدى.
