ايماقتار • 28 قازان، 2021

م.ايتەنوۆ: بەس جىلدا 101 مەكتەپ سالىنادى

54 رەت كورسەتىلدى

شىمكەنت قالاسىنىڭ اكىمى مۇرات ايتەنوۆ «Ońtústik» تەلەارناسىنىڭ ەفيرىندە ءبىلىم سالاسىنىڭ الداعى جوسپارىمەن ءبولىستى، دەپ حابارلايدى Egemen.kz.

بيىل مەگاپوليستىڭ 202 ورتا ءبىلىم بەرۋ ۇيىمدارىندا 242 525 وقۋشى ءبىلىم الۋدا. قازىر 9 مەكتەپ بالالاردى ءۇش اۋىسىمدا وقىتادى. تاعى 4 مەكتەپ ىڭعايلاستىرىلسا، مەكتەبى جوق 11 ەلدى مەكەن بار. ال بالا-باقشامەن قامتۋ ماسەلەسى 100% جۇزەگە اسىرىلعان.

قالا اكىمى ەفير بارىسىندا مەملەكەت باسشىسىنىڭ تاپسىرماسىنا سايكەس، الداعى 5 جىلدا 101 مەكتەپ سالىناتىنىن ايتتى.

جىل باسىندا 32 مەكتەپتىڭ قۇرىلىسى باستالىپ، قازىر ونىڭ 24-ءى پايدالانۋعا بەرىلگەن. ونىڭ ىشىندە 20 مەكتەپ جەكەمەنشىك بولسا، 4 ءبىلىم ۇيىمى بيۋدجەت ەسەبىنەن سالىنعان.

«جۇيەلى جۇمىستىڭ ناتيجەسىندە قالادا اپاتتى مەكتەپ ماسەلەسى تولىعىمەن جويىلدى. ءۇش اۋىسىمدى مەكتەپتەر سانى 14-تەن 9-عا، ىڭعايلاستىرىلعان مەكتەپتەر سانى 5-تەن 4-كە كەمىدى، مەكتەبى جوق شاعىن اۋداندار 13-تەن 11-گە، وقۋشى تولىمدىلىعى ارتقان مەكتەپتەر سانى 21-دەن 17-گە ازاياتىن بولادى. جارقىن بولاشاق ءۇشىن ءبىلىم وشاقتارىن جوعارى دارەجەدە جابدىقتاۋ مەن جاعداي جاساۋ باستى مىندەتىمىز»، دەدى قالا اكىمى تۇرعىندارىمەن تىكەلەي بايلانىسقا شىعىپ.

1

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار