قوعام • 28 قازان، 2021

ەنەرگەتيكا مينيسترلىگى اۆياوتىننىڭ جەتىسپەۋشىلىگىنە قاتىستى تۇسىنىكتەمە بەردى

35 رەت كورسەتىلدى

ەنەرگەتيكا مينيسترلىگى ەلوردالىق اۋەجايدا اۆياوتىننىڭ جەتىسپەۋشىلىگى بويىنشا مالىمدەمە جاسادى، دەپ جازادى Egemen.kz.

ەنەرگەتيكا مينيسترلىگى نۇر-سۇلتان قالاسىنىڭ اۋەجايىن اۆياوتىنمەن قامتاماسىز ەتۋ بويىنشا قالىپتاسقان جاعدايعا قاتىستى اۋەجايلار مەن اۆياكومپانيالار يمپورتتىڭ قاجەتتى كولەمىن جەتكىزۋدى قوسا العاندا، اۆياوتىنمەن قامتاماسىز ەتۋ ماسەلەلەرىن الدىن الا جانە وزدىگىنەن پىسىقتاۋلارى ءتيىس ەكەندەرىن اتاپ وتەدى، دەلىنگەن مينيسترلىك حابارلاماسىندا.

اتالعان جاعداي شارۋاشىلىق جۇرگىزۋشى سۋبەكتىلەردىڭ اعىمداعى كوممەرتسيالىق قىزمەتى.

مينيسترلىك ءوز تاراپىنان قىركۇيەك ايىنىڭ باسىندا كومپانيالارعا پاۆلودار مۇنايحيميا زاۋىتىندا جوسپارلانعان جوندەۋ جۇمىستارى تۋرالى حابارلاعان بولاتىن.

نۇر-سۇلتان قالاسىنىڭ اۋەجايى بويىنشا جاعدايدى شەشۋ ماقساتىندا كەلەسى رەتتەگى شارالار قابىلداندى:
- قازان ايىندا مۇناي وڭدەۋ زاۋىتتارىندا ء(موز) قوسىمشا 2000 توننا اۆياوتىن شىعارىلادى، ونىڭ ىشىندە نۇر-سۇلتان قالاسىنىڭ اۋەجايىنا قوسىمشا كولەم بولىنەتىن بولادى;
- ءىرى جەتكىزۋشىلەر قاراشاعا ارنالعان كولەمدەر بويىنشا جەدەل كەلىسىمشارتتار جاساسادى جانە ءموز-دەن جونەلتۋدى جەدەلدەتەدى;
- سونداي-اق، ءىرى جەتكىزۋشىلەردىڭ ءبىرى نۇر-سۇلتان اۋەجايىنا قوسىمشا 700 توننا اۆياوتىن جەتكىزەدى.

وسى ورايدا، اۋەجايلار تاراپى قاجەت وتىن كولەمىن تەك قانا ءىرى ەمەس، سونىمەن قاتار شاعىن جەتكىزۋشىلەردەن كوممەرتسيالىق باعامەن ساتىپ الۋى قاجەت ەكەندىگىن اتاپ وتەمىز. سونداي-اق، رەسەي نارىعىندا اۆياوتىن بويىنشا جاعدايدىڭ جاقسارعاندىعىن ەسكەرە وتىرىپ، رەسەي ءموز-نەن يمپورتتاۋ مۇمكىندىگى دە بار ەكەندىگىن قوسىمشا اتاپ وتەمىز. ينديكاتيۆتىك بالانسقا سايكەس رف-دان 300 مىڭ تونناعا دەيىن يمپورت جاساۋ جوسپارلانعان، ءىس جۇزىندە 9 ايدا ول بار بولعانى 55 مىڭ توننا، دەلىنگەن حابارلامادا.

سوڭعى جاڭالىقتار

ۇقساس جاڭالىقتار