قازاقستان • 27 قازان، 2021

ەنەرگەتيكا مينيسترلىگى اۆياوتىن تاپشىلىعىنا قاتىستى تۇسىنىك بەردى

32 رەت كورسەتىلدى

ەنەرگەتيكا مينيسترلىگى اۆياوتىنمەن قامتاماسىز ەتۋ ءۇشىن قانداي شارالار قابىلدانعانىن ايتتى، دەپ حابارلايدى Egemen.kz.

ەنەرگەتيكا مينيسترلىگىنىڭ ءباسپاسوز قىزمەتى قىركۇيەك ايىنىڭ باسىندا اۋەجايلار مەن اۆياكومپانيالارعا پمحز-دا جوسپارلانعان جوندەۋ جۇمىستارى تۋرالى حابارلاعانىن اتاپ ءوتتى.

«نۇر-سۇلتان قالاسىنىڭ اۋەجايى بويىنشا جاعدايدى شەشۋ ءۇشىن كەلەسى شارالار قابىلداندى: قازان ايىندا ءموز-دە قوسىمشا 2000 توننا اۆياوتىن شىعارىلادى، ونىڭ ىشىندە نۇر-سۇلتان قالاسىنىڭ اۋەجايى ءۇشىن قوسىمشا بولىنەدى. ءىرى ءونىم بەرۋشىلەر قاراشاعا ارنالعان كولەمدەرگە جەدەل قول جەتكىزىپ، ءموز-دان جونەلتۋدى جەدەلدەتەدى. سونداي-اق ءىرى جەتكىزۋشىلەردىڭ ءبىرى نۇر-سۇلتان قالاسىنىڭ اۋەجايىنا قوسىمشا 700 توننا اۆياوتىن جەتكىزەدى»، دەپ ءتۇسىندىردى ۆەدومستۆودا.

سونىمەن قاتار ۆەدومستۆو اۋەجايلار كولەمدى تەك ءىرى عانا ەمەس، شاعىن جەتكىزۋشىلەردەن دە كوممەرتسيالىق باعا بويىنشا ساتىپ الۋ قاجەتتىگىن اتاپ ءوتتى.

بۇعان دەيىن ەلوردا اۋەجايىنىڭ ۇزدىكسىز جۇمىس ىستەۋى قاۋىپ توندىرەتىنى تۋرالى حابارلانعان بولاتىن.

بۇگىنگى تاڭدا ەلوردالىق اۋەجايدا تۇراقتى جولاۋشىلار رەيستەرى ءۇشىن دە اۆياكومپانيالاردى اۆياكەروسينمەن ۇزدىكسىز قامتاماسىز ەتۋدىڭ بۇزىلۋى بايقالادى.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار