قازاقستان • 27 قازان، 2021

جۇكتى ايەلدەرگە ولاردىڭ كەلىسىمىنسىز ۆاكتسينا سالىنادى - فەيك

273 رەت كورسەتىلدى

جەلىدە جۇكتى ايەلدەرگە كۆي-گە قارسى ەكپە ولاردىڭ كەلىسىمىنسىز سالىنادى دەگەن قاۋەسەت اقپارات تارادى. بۇل اقپاراتتى سانيتارلىق-ەپيدەميولوگيالىق باقىلاۋ كوميتەتى جوققا شىعاردى، دەپ حابارلايدى Egemen.kz Stopfake.kz-كە سىلتەمە جاساپ.

قازنەت قولدانۋشىلارى «22 قاراشادان باستاپ جۇكتى ايەلدەردى COVID-19-عا قارسى ۆاكتسيناتسيالاي باستايدى» دەگەن حابار تاراتۋدا.

بۇل رەتتە حابارلامادا بارلىعىن بىردەي ەگۋ جوسپارلانىپ وتىرعاندىقتان، ولاردىڭ ۆاكتسيناتسيادان باس تارتۋى قابىلدانبايتىنى ايتىلعان.

اقپاراتتى سانيتارلىق-ەپيدەميولوگيالىق باقىلاۋ كوميتەتى جوققا شىعاردى.

«جۇكتى ايەلدەردى ۆاكتسيناتسيالاۋ ەگىلەتىندەردىڭ اقپاراتتاندىرىلعان ەرىكتى كەلىسىمىنەن كەيىن عانا جۇزەگە اسىرىلاتىن بولادى. بۇگىنگى كۇنى جۇكتى ايەلدەرگە كۆي-گە قارسى ۆاكتسينا سالىنىپ جاتقان جوق»، دەپ حابارلادى ۆەدومستۆونىڭ رەسمي وكىلى ەرجان بايتاناەۆ.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار