پوليتسيا قىزمەتكەرلەرى جول ەرەجەسىن بۇزعان بارلىق جۇرگىزۋشىنى ۇستاپ, قر اقبك 596-بابى بويىنشا اكىمشىلىك جاۋاپكەرشىلىككە تارتتى. سوتتىڭ شەشىمىنە سايكەس جول ەرەجەسىن بۇزعاندار 6 ايعا كولىك قۇرالىن جۇرگىزۋ قۇقىعىنان ايىرىلدى.
سونىمەن قاتار, «Mercedes Benz» ماركالى اۆتوكولىگىنىڭ 22 جاستاعى جۇرگىزۋشىسى ماس كۇيىندە كولىك جۇرگىزگەنى ءۇشىن 15 تاۋلىككە اكىمشىلىك قاماۋعا الىنىپ, جەتى جىل مەرزىمگە كولىك جۇرگىزۋ قۇقىعىنان ايىرىلدى. سونداي-اق, پوليتسەيلەر جۇرگىزۋشىنىڭ كولىك جالداۋ كومپانياسىنان «Mercedes Benz» اۆتوكولىگىن جالعا العانىن انىقتادى. كولىك قۇرالىن پايدالانۋ ەرەجەسىن بۇزعانى جانە مەديتسينالىق تەكسەرۋدەن وتپەگەن جۇرگىزۋشىنى اۆتوكولىكتى باسقارۋعا جىبەرگەنى ءۇشىن جشس-عا قر اقبتك-ءنىڭ 590-بابى بويىنشا 30 اەك مولشەرىندە ايىپپۇل سالىندى. وسىلايشا جۇرگىزۋشىلەرگە 9 اكىمشىلىك حاتتاما تولتىرىلدى.
بۇزۋشىلىقتاردىڭ اراسىندا قارسى جولاققا شىعۋ, قاۋىپسىزدىك سيگنالىن بەرمەستەن مانەۆر جاساۋ, جول توسەمدەرىنىڭ بۇزىلۋى, تەحنيكالىق اقاۋى بار جانە تەحنيكالىق بايقاۋدان وتپەگەن اۆتوكولىكتى باسقارۋ بار. تەرگەۋ ناتيجەسىندە پوليتسەيلەر ۇستالعان جۇرگىزۋشىلەردىڭ بىرنەشە رەت جىلدامدىقتى اسىرىپ, جول ەرەجەسىن ورەسكەل بۇزعانىن انىقتادى.
مىسالى, «Mercedes Benz» اۆتوكولىگىنىڭ 31 جاستاعى جۇرگىزۋشىسى بۇگىندە - 76, ال «تويوتا كامري» اۆتوكولىگىنىڭ 22 جاستاعى جۇرگىزۋشىسى - 36 رەت جىلدامدىقتى اسىرىپ جول ەرەجەسىن بۇزعان. ول «سەرگەك» كامەراسىندا تىركەلگەن. قازىرگى ۋاقىتتا بارلىق اۆتوكولىك كوممۋنالدىق تۇراققا جەتكىزىلدى. پوليتسيا اتاپ وتكەندەي, كوشەدە كولىك جارىسىن وتكىزۋ زاڭمەن تىيىم سالىنعان, ويتكەنى جول ەرەجەسىن بۇزعان جۇرگىزۋشىلەر ادام ومىرىنە ۇلكەن قاۋىپ توندىرەدى.
