وقيعا • 26 قازان، 2021

نۇر-سۇلتاندا اناسىن بالاعاتتاعان تۇرعىن 5 تاۋلىككە قامالدى

87 رەت كورسەتىلدى

ەلوردادا 31 جاستاعى جىگىت اناسىن بالاعاتتاپ، ايعاي-شۋ شىعارعانى ءۇشىن 5 تاۋلىككە قاماۋعا الىندى، دەپ حابارلايدى Egemen.kz.

«پوليتسيانىڭ «102» ارناسىنا ەلوردا تۇرعىنىنان ۇلىنىڭ ايعاي-شۋ شىعارىپ، بالاعاتتاعانىنا بايلانىستى شاقىرتۋ ءتۇستى. قورقىپ قالعان 64 جاستاعى ايەل پوليتسيا شاقىردى.

اتالعان فاكتى بويىنشا ەسىل اۋداندىق پوليتسيا باسقارماسىنىڭ ۋچاسكەلىك پوليتسياسى 31 جاستاعى جانجالقويدى ۇستاپ، ۋاقىتشا وقشاۋلاۋ بولمەسىنە قامادى. بۇزاقىنىڭ ۇستىنەن قر اكىمشىلىك قۇقىق بۇزۋشىلىق تۋرالى كودەكسىنىڭ 73-بابىمەن وتباسىلىق-تۇرمىستىق قارىم-قاتىناس سالاسىنداعى زاڭعا قايشى ارەكەتى ءۇشىن اكىمشىلىك حاتتاما تولتىرىلدى»، دەپ اتاپ وتەدى نۇر-سۇلتان قالالىق پوليتسيا دەپارتامەنتىنىڭ ءباسپاسوز قىزمەتىنەن.

ۆەدومستۆو مالىمەتىنشە، نۇر-سۇلتان قالالىق مامانداندىرىلعان اكىمشىلىك سوتىنىڭ شەشىمىمەن اتالعان جىگىت 5 تاۋلىككە اكىمشىلىك قاماۋعا الىندى. سونىمەن قاتار سوت ءزابىر كورگەن ايەلدى 30 تاۋلىككە قورعاۋعا الۋ تۋرالى ۇيعارىم شىعاردى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار