قوعام • 26 قازان، 2021

قازاقستاندا جۇمىرتقا 20% - عا قىمباتتادى

48 رەت كورسەتىلدى

قازاقستاننىڭ ءتورت وڭىرىندە ءبىر جىل ىشىندە جۇمىرتقا باعاسى 20% - عا ءوستى، دەپ حابارلايدى Egemen.kz.

ايتا كەتۋ كەرەك، 2021 جىلدىڭ جەتى ايىندا فەرمەرلەر 3،6 ملرد جۇمىرتقا الدى – بۇل ءبىر جىل بۇرىنعىعا قاراعاندا 9% - عا از.

«وڭىرلەر بولىنىسىندە سەكتورداعى شىعارىلىمنىڭ ەڭ كوپ كولەمى اقمولا وبلىسىنا تيەسىلى بولدى: 599،6 ملن دانا، جىلىنا مينۋس 4،9%. جەتەكشى ۇشتىككە الماتى (590،4 ملن دانا، مينۋس 24،6%) جانە قاراعاندى (499،6 ملن دانا، مينۋس 0،6%) وبلىستارى كىردى»، دەپ ناقتىلادى Energyprom.kz.

2021 جىلعى قاڭتار-تامىز قورىتىندىلارى بويىنشا جەرگىلىكتى كومپانيالار سۇرانىستى (ىشكى نارىقتا ساتۋدى قوسا العاندا، ەكسپورتتى) ءبىر جىل بۇرىنعى 97،3% - عا قارسى 94،4% - عا قامتاماسىز ەتتى.

«يمپورتقا سايكەسىنشە رەسۋرستاردىڭ 5،6% - ى كەلدى. جىل باسىنان بەرى ەلگە 189،3 ميلليون جۇمىرتقا اكەلىندى - بۇل 2020 جىلدىڭ قاڭتار-تامىز ايىنداعىدان ەكى ەسە كوپ. سونىمەن بىرگە، ەكسپورت، كەرىسىنشە، جىلىنا ەكى ەسەدەن استام، بار-جوعى 83،4 ميلليون جۇمىرتقاعا دەيىن قىسقاردى»، دەلىنگەن حابارلامادا.

ىشكى نارىقتا دا ساتۋ ازايىپ، 3،3 ملرد جۇمىرتقانى قۇرادى، جىلىنا مينۋس 4،9%.

وسى جىلدىڭ قىركۇيەگىندە ءبىرىنشى ساناتتاعى ون جۇمىرتقانىڭ ورتاشا قۇنى 355 تەڭگەگە جەتتى - ءبىر جىل بۇرىنعىعا قاراعاندا 16،4% - عا جوعارى.

ء«ىرى قالالار مەن مەگاپوليستەر جاعدايىندا ەلدەگى ەڭ جوعارى باعالار الماتىدا (ون جۇمىرتقا ءۇشىن 486 تگ)، نۇر-سۇلتاندا (432 تگ) جانە تالدىقورعاندا (405 تگ)، ەڭ تومەن باعالار قاراعاندىدا (262 تگ) تىركەلدى»، دەپ قوستى ساراپشىلار.

وڭىرلىك بولىنىستە جىلدىق ديناميكادا باعانىڭ ءوسۋىن الماتى وبلىسىنىڭ تۇرعىندارى قاتتى سەزىندى.

سوڭعى جاڭالىقتار

ۇقساس جاڭالىقتار