ول ءۇشىن ەلەكتروندىق پوشتا مەن تەلەفون ءنومىرى كورسەتىلىپ, قالعان بارلىق دەرەكتەر ەتسق-مەن جاسالادى.
ءوندىرۋشى جانە يمپورتتاۋشىدا GTIN (قاپتامانىڭ شتريح-كودى) بار بولسا, جۇيەدە جۇمىستى باستاي الادى. «تاۋارلاردىڭ ۇلتتىق كاتالوگى» بولىمىنە كىرىپ, «سۋباككاۋنت» بولىمىندەگى پروفيل ولشەمدەرىندەگى ءوندىرۋشى تۋرالى دەرەكتەردى تولتىرادى جانە تاۋاردى «تۇتىنۋشىلىق قاپتاما» بولىمىندە تىركەي الادى. ال ەگەر GTIN بولماسا, ولار GS1 Kazakhstan قاۋىمداستىعىنا كىرۋى كەرەك.
قازىردىڭ وزىندە «تاپسىرىستاردى باسقارۋ ستانتسياسى» بولىمىندە تاۋاردىڭ ءار داناسىنا تاڭبالاۋ كودتارىنا تاپسىرىس بەرۋگە, ولاردى PDF نەمەسە CSV فورماتىندا ءتۇسىرىپ, كەز كەلگەن پرينتەردە باسىپ شىعارۋعا جانە قوراپقا, اياق كيىمگە نەمەسە تاۋار بەلگىسىنە قولدانۋعا بولادى.
وندىرۋشىلەر اياق كيىمدى ساتۋعا شىعارعانعا دەيىن وندىرىستە, يمپورتتاۋشىلار – دايىنداۋشى زاۋىتتا نەمەسە قر كەدەن قويمالارىندا تاڭبالايدى.
1 قاراشادان باستاپ قازاقستاندا تاڭبالانباعان اياق كيىم وندىرۋگە جانە يمپورتتاۋعا تىيىم سالىنادى. ونداي اياق كيىم قالدىقتارىن 2022 جىلدىڭ 1 ساۋىرىنە دەيىن ساتۋعا بولادى, سودان كەيىن سورەلەردە تەك تسيفرلاندىرىلعان اياق كيىم بولۋى ءتيىس.
