ۇكىمەت • 26 قازان، 2021

اسقار مامين جۇمىسپەن قامتۋدىڭ جاڭا تەتىكتەرىن ازىرلەۋدى جەدەلدەتۋدى تاپسىردى

75 رەت كورسەتىلدى

قر پرەمەر-ءمينيسترى اسقار مامين ەلدەگى جۇمىسسىزدىققا قارسى كۇرەسكە قاتىستى بىرقاتار تاپسىرما بەردى، دەپ حابارلايدى Egemen.kz.

«ەڭبەك مينيسترلىگى سالالىق مەملەكەتتىك ورگاندارمەن، وڭىرلەردىڭ اكىمدىكتەرىمەن بىرلەسىپ، ءبىر اي مەرزىمدە ەكونوميكانىڭ ساپالى جانە تۇراقتى ءوسۋىن قامتاماسىز ەتۋ ءۇشىن كادرلارعا قاجەتتىلىكتى ايقىنداۋ ماسەلەسىن وزەكتىلەندىرسىن»، دەدى اسقار مامين ۇكىمەت وتىرىسىندا.

ونىڭ ايتۋىنشا، تسيفرلاندىرۋ جۇمىسپەن قامتۋدىڭ مۇلدەم جاڭا تۇرلەرىن قۇرۋعا الىپ كەلەدى. وسىعان بايلانىستى ۇكىمەت باسشىسى اتاپ وتكەندەي، جۇمىسپەن قامتۋدىڭ جاڭا تۇرلەرىن رەتتەۋ جانە ەكونوميكالىق بەلسەندىلىككە تارتۋ تەتىگىن ازىرلەۋدى جەدەلدەتۋ قاجەت.

«بىلىكتىلىكتى رەتتەۋ - ەڭبەك نارىعىنىڭ باسەكەگە قابىلەتتىلىگىن ارتتىراتىن جۇيەلى قادام. وسىعان بايلانىستى ەڭبەك مينيسترلىگى سالالىق مەملەكەتتىك ورگاندارمەن، «اتامەكەن» ۇكپ-مەن، كاسىپوداقتارمەن، ساراپشىلار قاۋىمداستىعىمەن بىرلەسىپ، «كاسىبي بىلىكتىلىك تۋرالى» زاڭ جوباسىن ازىرلەۋدى جانە تالقىلاۋدى جەدەلدەتۋدى تاپسىردى.

سونىمەن قاتار، باتىس قازاقستان جانە قىزىلوردا وبلىستارىنىڭ اكىمدىكتەرىنە قىسقا مەرزىمدە ميكروقارجى ۇيىمدارىنىڭ جارعىلىق كاپيتالىن تولىقتىرۋدى قامتاماسىز ەتۋ تاپسىرىلدى.

«ەڭبەك مينيسترلىگى «اتامەكەن» ۇكپ-مەن جانە وڭىرلەردىڭ اكىمدىكتەرىمەن بىرلەسىپ، كاسىپكەرلىك جونىندەگى ۇلتتىق جوبا شەڭبەرىندە «باستاۋ بيزنەس» جوباسىن ىسكە اسىرۋدى جالعاستىرسىن. قولدانىستاعى كاسىپكەرلىك جونىندەگى جوبالىق كەڭسە اياسىندا مينيستر سەرىك شاپكەنوۆتىڭ توراعالىعىمەن جۇمىسپەن قامتۋ باعىتىن قۇرۋ قاجەت»، دەپ تۇيىندەدى اسقار مامين.

سوڭعى جاڭالىقتار

ۇقساس جاڭالىقتار