ەكونوميكا • 26 قازان، 2021

ءوندىرىس قىسقارىپ، يمپورت ارتىپ تۇر

سەكتورداعى ءوندىرىس قىسقارىپ، يمپورت كولەمى ارتتى. سالالىق قاۋىمداستىق دابىل قاعۋدا، بىراق جاعداي جاقسارماي تۇر، دەپ حابارلايدى Egemen.kz.

تابيعات مۇسىلمانقۇل

2021 جىلعى قاڭتار-قىركۇيەكتە قر فەرمەرلەرى 3،6 ملرد. جۇمىرتقا الدى. بۇل ءبىر جىل بۇرىنعىعا قاراعاندا 9% - عا از. ونىڭ ىشىندە 2،3 ملرد. جۇمىرتقا ساۋدا جەلىلەرى مەن قوعامدىق تاماقتانۋ ورىندارى ارقىلى ساتىلدى، 44،5 ملن. دانا ەكسپورتقا جىبەرىلدى، 4،6 ملن جۇمىرتقا وڭدەۋ كومپانيالارىنا ساتىلدى. وندىرىستىك تۇتىنۋ 94،3 ملن جۇمىرتقانى قۇرادى، ازىق-ت ۇلىك ماقساتىنا قايتا وڭدەۋ - 7،6 ملن. دانا.

وڭىرلەر بولىنىسىندە سەكتورداعى شىعارىلىمنىڭ ەڭ كوپ كولەمى اقمولا وبلىسىنا تيەسىلى بولدى: 599،6 ملن دانا، جىلىنا مينۋس 4،9%. جەتەكشى وڭىرلەر ۇشتىگىندە الماتى (590،4 ملن دانا، مينۋس 24،6%) جانە قاراعاندى (499،6 ملن دانا، مينۋس 0،6%) وبلىستارى دا بار.

جالپى، 2020 جىلى ەلىمىزدە 5 ملرد. جۇمىرتقا ءوندىرىلدى. 2019 جىلمەن سالىستىرعاندا 8،5% - عا از.

جىل باسىنان بەرى ەلگە 189،3 ميلليون جۇمىرتقا اكەلىندى. بۇل 2020 جىلدىڭ قاڭتار-تامىز ايىنداعىدان ەكى ەسە كوپ. سونىمەن قاتار، ەكسپورت كەرىسىنشە، ءبىر جىلدا ەكى ەسەدەن استام، بار-جوعى 83،4 ملن. جۇمىرتقاعا دەيىن قىسقاردى. ىشكى نارىقتا ساتۋ دا ازايىپ، 3،3 ملرد. جۇمىرتقانى قۇرادى، جىلىنا مينۋس 4،9%.

اعىمداعى جىلدىڭ قىركۇيەك ايىندا ءبىرىنشى ساناتتاعى ون جۇمىرتقانىڭ ورتاشا باعاسى 355 تەڭگەگە جەتتى. ءبىر جىل بۇرىنعىعا قاراعاندا 16،4% - عا جوعارى.

ءىرى قالالار مەن مەگاپوليستەر اراسىندا ەلدەگى ەڭ جوعارى باعالار الماتىدا (ون جۇمىرتقا ءۇشىن 486 تگ)، نۇر-سۇلتاندا (432 تگ) جانە تالدىقورعاندا (405 تگ)، ەڭ تومەن باعالار قاراعاندىدا (262 تگ) تىركەلدى.

جىلدىق ديناميكاعا قاراساق، باعانىڭ ءوسۋىن الماتى وبلىسىنىڭ تۇرعىندارى قاتتى سەزىندى. سونداي-اق جامبىل وبلىسى (25،5% - عا) جانە الماتى (21،6% - عا) بويىنشا كۇرت قىمباتتاعان. ەڭ تومەن ءوسىم قىزىلوردا وبلىسىندا (2،9% - عا) تىركەلدى.