سپورت • 26 قازان، 2021

مينيسترلىك كۋبوگىن جەڭىپ الدى

53 رەت كورسەتىلدى

جۋىردا نۇر-سۇلتان قالاسىنداعى «الاۋ» مۇز ايدىنى سارايىندا قازاقستان رەسپۋبليكاسى توتەنشە جاعدايلار ءمينيسترىنىڭ كۋبوگى ءۇشىن شايبالى حوككەيدەن تۋرنير ءوتتى. بۇل جارىس قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي تۇڭعىش رەت ۇيىمداستىرىلدى.

ءىس-شارانىڭ اشىلۋ سالتاناتىنا توتەنشە جاع­داي­لار ءمي­نيسترى يۋري يلين قاتى­سىپ، قۇتتىقتاۋ ءسوز سوي­لەدى. جا­رىس­قا تجم، نۇر-سۇل­­تان قالا­سى، اقتوبە جانە سول­تۇستىك قا­زاق­ستان وبلىس­تا­رى­نىڭ كومان­دالارى قاتى­سىپ، مينيسترلىك كۋبوگىن سا­راپقا سالدى. سونداي-اق ءىىم سول­تۇستىك قازاقستان وب­لى­سى­نىڭ مامانداندىرىلعان كۇزەت قىزمەتى باسقارماسىنىڭ كو­مانداسى دا وسى جارىسقا قا­تىسىپ، ءوز كۇشتەرىن سىنادى.

 حوككەي قولدانىستاعى ەرەجەلەرگە سايكەس 15 مينۋتتان 3 تايم جانە 3 مينۋتتىق ءۇزىلىس تار­تىبىمەن ءوتتى. ءار كوماندانىڭ قۇرا­مىندا 12 ويىنشى بولدى. ويىن بارىسىن ەلوردالىق گارنيزون قۇتقارۋشىلارىنىڭ كاسى­بي دايىندىق بولىمشەسى، تج مينيس­ترلىگى قىزمەتكەرلەرىنەن قۇرالعان تورەشىلەر القاسى باقىلادى.

جارىس قورىتىندىسى بو­يىن­شا سولتۇستىك قازاقستان وب­­لىسى تجد كومانداسى ءب­ى­رىن­شى ورىندى يەلەنىپ، باس جۇل­­دەنى قانجىعالارىنا بوك­تەردى. ەكىنشى ورىندى دا سول­تۇس­تىكقازاقستاندىقتار يە­لە­نىپ، سولتۇستىك قازاقستان وب­لى­سىنىڭ مامانداندىرىلعان كۇزەت قىزمەتى باسقارماسىنىڭ كومانداسى الدى. وسىنىڭ وزى­نەن سول­تۇستىكتە حوككەي ويى­نىنا ۇل­كەن كوڭىل بو­لىنە­تىندىگى كو­رىنىپ تۇر. ال تا­ماشا ستاديوندارى بار نۇر-سۇلتان قالاسىنىڭ تجد كو­مانداسى ءۇشىن­شى ورىنعا قانا­عا­تتاندى. كو­­ماندالار ديپلومدارمەن، مە­دال­دارمەن جانە ەستەلىك سىي­­لىقتارمەن ماراپاتتالدى. تۋرنير چەمپيوندارىنا اۋىس­پالى كۋبوك پەن ءبىرىنشى دارە­جەلى ديپلوم تابىس ەتىلدى.

 

سولتۇستىك قازاقستان وبلىسى

سوڭعى جاڭالىقتار

ۇقساس جاڭالىقتار