الدا – قاربالاس كۇندەر

كەشە قاسىم-جومارت توقاەۆتىڭ توراعالىق ەتۋىمەن پارلامەنت سەناتىنىڭ بيۋرو وتىرىسى بولدى, دەپ حابارلادى وسى پالاتانىڭ ءباسپاسوز قىزمەتى. پالاتا توراعاسى «قازاق­ستان-2050» ستراتەگياسىن ىسكە اسىرۋ ماسەلەلەرى جونىندەگى ۇكى­مەت­تىڭ كەڭەيتىلگەن وتىرىسىندا مەم­لە­كەت باسشىسى نۇرسۇلتان نازار­باەۆ العا قويعان مىندەتتەرگە قاتى­سۋ­شىلاردىڭ نازارىن اۋداردى. توراعا اتاپ وتكەندەي, پارلامەنت الدىندا حالىقتىڭ ءال-اۋقاتىن جاقسارتۋ, كاسىپكەرلىكتى ىنتالاندىرۋ, قارجى سەكتورىنىڭ تۇراقتىلىعىن نىعايتۋعا باعىتتالعان شارالاردى ساپالى زاڭنامامەن قامتاماسىز ەتۋ مىندەتى تۇر. وسىعان بايلانىستى, ق.توقاەۆ سەناتورلاردى زاڭ شىعارۋ سالاسىندا قاربالاس كۇندەردىڭ كۇتىپ تۇرعانىن جەتكىزىپ, ءونىمدى ەڭبەك ەتۋگە شاقىردى. بيۋرو مۇشەلەرى سەناتتىڭ ال­داعى 20 اقپانداعى وتىرىسىنىڭ كۇن ءتارتىبىن بەكىتتى. اتاپ ايت­قاندا, دەپۋتاتتار تۇركىتىلدەس مەم­لەكەتتەردىڭ ىنتىماقتاستىق كەڭەسى حاتشىلىعىنىڭ قارجى­لىق قاعيدالارى تۋرالى كەلى­سىم­دى راتيفيكاتسيالاۋ تۋرالى, قازاق­ستان رەسپۋبليكاسىنىڭ كەيبىر زاڭنا­مالىق اكتىلەرىنە ەكىنشى دەڭگەيدەگى بانكتەردى قايتا ۇيىمداستىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى جانە سەناتتىڭ تابيعاتتى پايدالانۋ جانە اۋىلدىق اۋماقتاردى دامىتۋ جونىندەگى تۇراقتى كوميتەتىن قايتا اتاۋ تۋرالى ماسەلەلەردى قارايتىن بولدى. سالالىق كوميتەتتەردىڭ ءتورا­عالارى دەپۋتاتتاردىڭ وسى زاڭ جو­بالارىن قاراۋ بارىسى تۋرالى بايان­دادى.