ۇكىمەت • 25 قازان، 2021

اسقار مامين ۆەنگريا وكىلدەرىن قابىلدادى

71 رەت كورسەتىلدى

قر پرەمەر-ءمينيسترى اسقار مامين ەلىمىزگە قازاقستاندىق بيزنەس-فورۋم مەن قازاقستان – ۆەنگريا ستراتەگيالىق كەڭەسىنىڭ V وتىرىسىنا قاتىسۋعا كەلگەن ۆەنگريا پرەمەر-ءمينيسترىنىڭ ورىنباسارى – قارجى ءمينيسترى ميحاي ۆارگانى قابىلدادى، دەپ حابارلايدى Egemen.kz.

تاراپتار ساۋدا-ەكونوميكا، قارجى-بانك، ينۆەستيتسيا، كولىك-لوگيستيكا، اۋىل شارۋاشىلىعى، اوك، تمك، جاڭارتىلاتىن ەنەرگەتيكا، فارماتسەۆتيكا، ءبىلىم بەرۋ جانە باسقا دا سالالارداعى ىنتىماقتاستىقتىڭ جاي-كۇيى مەن دامۋ پەرسپەكتيۆالارىن تالقىلادى. ۇكىمەت باسشىسى ەكى ەلدىڭ ۇلتتىق ەكونوميكالارىن قالپىنا كەلتىرۋدىڭ جوعارى قارقىنى جاعدايىندا قازاقستاننىڭ ۆەنگريامەن ساۋدا-ەكونوميكالىق قاتىناستارى مەن ينۆەستيتسيالىق ىنتىماقتاستىعىنىڭ دامۋ الەۋەتىن اتاپ ءوتتى.

قازاقستان-ۆەنگريا بيزنەس-فورۋمى اياسىندا مەديتسينالىق تۋريزم، اگروونەركاسىپتىك كەشەن، جاڭارتىلاتىن ەنەرگەتيكا، كولىك جانە لوگيستيكا، قارجى سالالارىندا بىرلەسكەن جوبالاردى ىسكە اسىرۋ بويىنشا ۋاعدالاستىقتارعا قول جەتكىزىلدى.

كەلىسسوز بارىسىندا «استانا» حالىقارالىق قارجى ورتالىعى الاڭىنداعى ىنتىماقتاستىق ماسەلەلەرىنە ەرەكشە نازار اۋدارىلدى. قازىرگى ۋاقىتتا احقو-دا ۆەنگريانىڭ «EXIM» بانكىنىڭ وكىلدىگى جۇمىس ىستەيدى، ۆەنگريانىڭ باسقا دا قارجى-بانك قۇرىلىمدارىمەن ءوزارا ءىس-قيمىلدى كەڭەيتۋ جوسپاردا بار.

ۆەنگريا ەكونوميكاسى – ورتالىق جانە شىعىس ەۋروپا ايماعىنداعى ەڭ دامىعان ەكونوميكالاردىڭ ءبىرى. 2020 جىلى ەلدىڭ ءجىو $155 ملرد قۇرادى. ەۋروپالىق كوميسسيا بولجامى بويىنشا، 2020 جىلى 5%-عا قۇلاعاننان كەيىن، 2021 جىلى ەكونوميكا ءوسىمى 6،3% قۇرايدى. ۆەنگريا ەكونوميكاسىنىڭ جەتەكشى سالالارى – ماشينا جاساۋ، اوك، مەتاللۋرگيا، قۇرىلىس ماتەريالدارىن ءوندىرۋ، فارماتسەۆتيكا، ازىق-ت ۇلىك ءوندىرىسى، كولىك جانە لوگيستيكا، جەڭىل جانە حيميا ونەركاسىبى.

بيىل ماۋسىم ايىندا ۆەنگريا قازاقستانمەن ۆاكتسينالاۋ پاسپورتتارىن ءوزارا تانۋ تۋرالى كەلىسىم جاساسقان العاشقى ەۋروپالىق ەل بولدى. وسى جىلعى قىركۇيەك ايىندا نۇر-سۇلتان جانە بۋداپەشت قالالارى اراسىندا تۇراقتى تىكەلەي اۋە قاتىناسى جاڭارتىلدى.

الماتى قالاسى مەن ۆەنگريا استاناسى اراسىندا تىكەلەي رەيستەر اشۋ مۇمكىندىگى قاراستىرىلىپ جاتىر. كەزدەسۋگە ۇلتتىق ەكونوميكا ءمينيسترى اسەت ەرعاليەۆ، قارجى ءمينيسترى ەرۇلان جاماۋباەۆ، يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنباەۆ، ساۋدا جانە ينتەگراتسيا ۆيتسە-ءمينيسترى قايرات تورەباەۆ جانە قازاقستاننىڭ ۆەنگرياداعى ەلشىسى جانىبەك ءابدىراشوۆ قاتىستى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار