الەم • 25 قازان، 2021

رەسەي «تاليباندى» تەرروريستەر تىزىمىنەن شىعارۋى مۇمكىن

69 رەت كورسەتىلدى

اۋعانستان ءسىم-ءنىڭ ۋاقىتشا ۇكىمەتتەگى ءباسپاسوز حاتشىسى ابدۋل كاحار بالحي بيلىكتەگى قوزعالىستىڭ حالىقارالىق قاۋىمداستىقپەن جاقسى قارىم-قاتىناس ورناتۋعا نيەتتى ەكەنىن اتاپ ءوتتى، دەپ حابارلايدى Egemen.kz.

بۇل تۋرالى تاسس اقپاراتتىق اگەنتتىگى ءمالىم ەتتى.

اۋعانستانداعى بيلىكتى باسىپ العان تاليبان رەسەي پرەزيدەنتى ۆلاديمير ءپۋتيننىڭ «تاليبان» راديكالدى قوزعالىسىن (رەسەي فەدەراتسياسىندا تىيىم سالىنعان) تەرروريستىك ۇيىمدار تىزىمىنەن شىعارۋ مۇمكىندىگى تۋرالى پىكىرىن قۇپتايدى.

«اۋعانستان يسلام امىرلىگىنىڭ سىرتقى ىستەر مينيسترلىگى رەسەي پرەزيدەنتى ۆلاديمير ءپۋتيننىڭ يەا باسشىلارىنىڭ ەسىمدەرىن قارا تىزىمنەن الىپ تاستاۋ تۋرالى ايتقان سوزدەرىن قولدايدى. سوعىس اياقتالعاندىقتان، الەم ەلدەرى اۋعانستانعا وڭ كوزقاراس تانىتۋى كەرەك. ءبىز ءوزارا تۇسىنىستىك قاعيداتى نەگىزىندە حالىقارالىق قاۋىمداستىقپەن جاقسى قارىم-قاتىناسقا ۇمتىلامىز»، دەپ جازدى تاليبان قوزعالىسىنىڭ (قازاقستاندا تىيىم سالىنعان) وكىلى Twitter-دەگى پاراقشاسىندا.

21 قازاندا ۆالداي حالىقارالىق كلۋبىنىڭ وتىرىسىندا ءسوز سويلەگەن ۆلاديمير پۋتين «رەسەي «تاليباندى» تەرروريستىك ۇيىمدار تىزىمىنەن شىعارۋى مۇمكىن» دەگەندى ايتتى. الايدا بۇل قادامدى الدىمەن بۇۇ قاۋىپسىزدىك كەڭەسى جاساۋ كەرەكتىگى ەسكەرىلدى.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار