مەديتسينا • 25 قازان، 2021

ساقتانعان ساۋ قالادى

49 رەت كورسەتىلدى

بىرەسە باسەڭدەپ، بىرەسە قاتاڭداعان جامان ىندەت سوڭعى كەزدە سولتۇستىك قازاقستاندا قايتادان كۇشەيىپ كەتتى. قازىر وبلىس – «قىزىل ايماقتا».

وبلىستىق سانيتارلىق-ەپيدە­ميو­لو­­گيالىق باقىلاۋ دەپار­تا­مەن­تى­نىڭ باس­شىسى اسەت جۇماتاەۆتىڭ ايتۋىنا قاراعاندا، قازىر بارلىق تىركەلگەن ناۋقاستىڭ سانى 27 279 ادامعا جەتكەن. سونىڭ 1 999-ى – 8 قازان مەن 21 قازان ارالىعىنداعى ەكى اپتادا تىركەلگەندەر. ونىڭ الدىنداعى ەكى اپتادا، ياعني 24 قىركۇيەك پەن 7 قازان ارالىعىندا 1 167 ناۋقاس تىر­كەل­گەن. دەمەك ناۋقاستار سانى ءبىر ايدىڭ ارالىعىندا 1،7 ەسەگە ارتقان. وسى ارالىقتا ناۋقاستار سانىنىڭ كۇرت ءوسىمى اسىرەسە، اققايىڭ (2،5 ەسە)، ايىرتاۋ (2 ەسە)، م.جۇماباەۆ پەن مامليۋتتە (2 ەسە) بايقالعان. تا­يىن­شا، قىزىلجار، اقجار، جام­بىل، ەسىل اۋداندارىنداعى ءوسىم دە ەكى ەسەگە جاقىنداپ قالعان. شال اقىن اۋدانى مەن قىزىلجار قالا­سىن­داعى ءوسىم 1،5 ەسەدەن بولىپ وتىر.

سوڭعى 7 كۇندە 100 مىڭ تۇرعىنعا شاق­قاندا سىرقاتتانۋشىلىق كورسەت­كى­شى 189،8-ءدى قۇرايدى، بۇل – قازاقستان وڭىرلەرىندەگى ەپيدەميالىق جاعدايدى با­عالاۋ ماتريتساسىنا سايكەس ەل بو­يىن­­شا ەڭ جوعارى كورسەتكىش. وسى­عان بايلانىستى وڭىرلىك كوميسسيا كا­رانتيندىك شارالاردى قاتاڭداتۋ جو­­نىندە شەشىم قابىلداپ، 25 قازان­نان باستاپ شەكتەۋلەر ەنگىزىلەتىنىن مالىمدەدى.

وبلىس اۋماعىنا 2020 جىلدىڭ 6 قازانىنان 2021 جىلدىڭ 20 قازا­نىن­ا دەيىن شەكارالىق باقىلاۋ پۋنكت­تەرى ارقىلى اۆتوموبيل جولدارى­مەن 281 392 ادام وتكەن. سونىڭ ىشىندە پتر انىقتامالارىمەن 146 558 جولاۋشى كەلگەن. ال پتر انىق­تا­ماسىنسىز كەلگەن 5 623 ادام COVID-19-عا زەرتحانالىق تەكسەرۋ ءۇشىن كارانتيندىك ستاتسيونارلارعا ورنالاس­­­­تىرىلدى. ولاردىڭ اراسىنان جامان ىندەتى بار 315 ادام انىقتالىپ، ونىڭ 41-ءى ينفەكتسيالىق ستاتسيونارعا ورنالاستىرىلعان، قالعان 274 ادام امبۋلاتورلىق ەمدەلۋگە جىبەرىلگەن. قولىندا مەرزىمى 72 ساعاتتان ەرتە ەمەس زەرتتەلگەن انىقتاما بولماعان 1 525 شەتەل ازاماتىنا قازاقستانعا كىرۋگە تىيىم سالىندى.

بيىل قازان ايىنىڭ باسىنان بۇ­گىن­گە دەيىن 23 مونيتورينگتىك توپ 680 نىساندى قامتىعان 120 رەيد جۇرگىزدى. ناتيجەسىندە، 15 تۇلعا 948 مىڭ تەڭگەگە جاۋاپكەرشىلىككە تارتىلدى. Ashyq جو­با­سىن بۇزۋشىلارعا 3 ملن تەڭگەدەن اسا سوماعا 93 ايىپپۇل سالىندى. بۇ­قارالىق اقپارات قۇرالدارىندا اكىم­­شىلىك ايىپپۇلداردى تولەگەن 88 شەك­تەۋ ءىس-شاراسىن بۇزۋشىلار جاريا­لان­دى.

وبلىستا ۆاكتسينانىڭ ءبىرىنشى كومپونەنتىمەن 248 299 ادام ەگىلدى، بۇل – تاۋلىگىنە 330 ادام دەگەن ءسوز. ونىڭ ىشىندە QazVac – 7 880، HayatVax – 25 674، سپۋتنيك-V – 193 236، CoronaVac – 7 895، Vero Cell 13 589 ادامعا ەگىلگەن. ەگىلۋگە ءتيىستى بارلىق تۇرعىننىڭ 66،9%-ى ءبىرىنشى كومپونەنتپەن قامتىلدى. ۆاكتسينانىڭ ەكىنشى كومپونەنتىمەن 230 928 ەگىلدى، بۇل – تاۋلىگىنە 469 ادام دەگەن ءسوز. تۇرعىنداردىڭ 62،3%-ى ەكىنشى كومپونەنتپەن قامتىلدى.

وبلىستىق جانە قالالىق ارداگەرلەر كەڭەسى سولتۇستىكقازاقستاندىقتارعا ۇندەۋ جاريالاپ، ۆاكتسينانى تو­لىق الۋعا شاقىردى. ۇندەۋدە: «قور­قى­نىشتى اۋرۋ مىڭداعان وتان­دا­­سىمىزدىڭ ءومىرىن قيدى جانە دەن­ساۋ­لىعىنا ايتارلىقتاي زيان كەلتىردى. قابىلدانعان شەكتەۋلەر بىزگە بۇگىن تولىققاندى ءومىر سۇ­رۋ­گە مۇمكىندىك بەرمەيدى. ءبىزدىڭ ەلى­مىزدە 2021 جىل­دىڭ اقپان ايىند­ا ازاماتتاردى جاپ­پاي، ەرىكتى ۆاكتسينالاۋ باستالدى. ونىڭ تەگىن ءوتۋى ءۇشىن بارلىق جاعداي جاسالعان. الايدا ءبىزدىڭ ايماقتا ۆاكتسينالاۋ قارقىنى وتە تومەن بولىپ قالۋدا. بۇگىندە وڭىردەگى ينفەكتسيالىق ستاتسيونارلاردا 787 ناۋقاس جاتىر. ونىڭ 65%-ى – 61 جاستان اسقان ادامدار. پاندەميا باستالعاننان بەرى ءبىزدىڭ وبلىستا 266 ادام قايتىس بولدى. وسى ساننىڭ ىشىندە 61 جاستان اسقان ادامدار 78%-دى قۇرايدى. ۆاكتسينانىڭ قاۋىپسىزدىگى مەن تيىم­دى­لىگى بۇگىنگى تاڭدا بۇلتارت­پاس فاك­تى­لەرمەن دالەلدەنگەن: ينفەك­تسيا­لىق ستاتسيونارلاردا ەمدەلىپ جاتقان پا­تسيەنتتەردىڭ 99%-ى – ۆاكتسينا ال­ماعاندار. ۆاكتسينالانعان ادامدار اۋرۋدى جەڭىل تۇردە وتكىزەدى جانە باسقالارعا قاراعاندا جۇقتىرۋ قاۋپى از. البەتتە، ءبارىمىز قالىپتى ومىرگە تەزىرەك ورالعىمىز كەلەدى. اعا بۋىن وكىلدەرى رەتىندە ءبىز سىزدەردى عالىمدار مەن مەديتسينا قىزمەتكەرلەرىنىڭ پىكى­رىنە قۇلاق اسۋعا، ۆاكتسينا الۋدى كە­شىكتىرمەۋ ارقىلى ءوزىڭىزدى جانە جا­قىن­دارىڭىزدى اۋىر قاۋىپتەن امان الىپ قالۋعا شاقىرامىز» دەلىنگەن.

 

سولتۇستىك قازاقستان وبلىسى

سوڭعى جاڭالىقتار

حاتتوننىڭ ۇلى اتتيلانى اتىنان ءتۇسىردى

كاسىپقوي بوكس • بۇگىن، 10:35

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار