بۇل تۋرالى تاشكەنتتە وتكەن بريفينگتە وزبەكستان رەسپۋبليكاسىنىڭ ورتالىق سايلاۋ كوميسسياسى توراعاسىنىڭ ورىنباسارى باحروم كۋچكاروۆ ءمالىم ەتتى.
كوميتەتتىڭ دەرەكتەرىنە سايكەس, ساعات 11:00-دەگى جاعداي بويىنشا وزبەكستان پرەزيدەنتى سايلاۋىندا داۋىس بەرۋگە 6 669 552 ازامات نەمەسە حالىقتىڭ 33,6%-ى كەلدى. تىركەلگەن داۋىس بەرۋشىلەر سانى – 19 859 127.
سايلاۋ كودەكسىنە سايكەس, سايلاۋشىلاردىڭ كەم دەگەندە 33%-ى داۋىس بەرگەن جاعدايدا سايلاۋ ءوتتى دەپ تانىلادى.
«وسىلايشا, پرەزيدەنتتىك سايلاۋ اياقتالدى. سايلاۋ پروتسەسىنە قاتىسقان بارلىق ازاماتتاردى قۇتتىقتايمىز», دەدى ب. كۋچكاروۆ.
ەسكە سالا كەتسەك, بۇگىن وزبەكستاندا پرەزيدەنتتىك سايلاۋ ءوتىپ جاتىر. وعان بەس كانديدات قاتىسۋدا. كانديداتتار قاتارىندا ەلدىڭ قازىرگى پرەزيدەنتى شاۆكات ميرزيوەۆ تا بار. جەڭىسكە جەتۋ ءۇشىن سايلاۋعا تۇسۋشىلەر 50%-دان جوعارى داۋىس جيناۋى كەرەك.
