الەم • 24 قازان، 2021

بەلارۋستا كوروناۆيرۋستىڭ جاڭا شتامى تىركەلدى

78 رەت كورسەتىلدى

بەلارۋستە كوروناۆيرۋستىڭ جاڭا شتامى تىركەلدى. بۇل تۋرالى بەلارۋس رەسپۋبليكاسىنىڭ دەنساۋلىق ساقتاۋ ءمينيسترىنىڭ ورىنباسارى – باس سانيتارلىق دارىگەر الەكساندر تاراسەنكو «بەلارۋس 1» تەلەارناسىندا ءمالىم ەتتى، دەپ حابارلايدى Egemen.kz.

«قازىرگى كەزدە كوبىنە دەلتا-شتامم انىقتالىپ جاتىر، الايدا قىركۇيەكتىڭ باسىنان بەرى ءبىز ۆيرۋستىڭ دەلتا لايت شتامىن بايقاي باستادىق. ازىرگە ەكەۋىنىڭ اراسىندا قاتتى ايىرماشىلىقتى كورمەدىك، ونداي جاعدايلار از»، دەدى الەكساندر تاراسەنكو.

دەنساۋلىق ساقتاۋ ءمينيسترىنىڭ ايتۋىنشا، دەلتا لايت شتامى باسقا شتامدارعا قاراعاندا ادامنان ادامعا تەزىرەك جۇعادى.

«بۇرىن ۆيرۋس 15 مينۋت جانە ودان كوپ ۋاقىت ىشىندە جۇعاتىنىن ايتقان ەدىك، جاڭا شتاممدى جۇقتىرۋ ءۇشىن اۋىرعان ادامنىڭ قاسىندا ەكى مينۋت بولۋ دا جەتكىلىكتى»، دەدى ول.

اتالعان دەرتكە كوبىنە 30-30، 40-49 جاس ارالىعىنداعى ادامدار شالدىعىپ جاتىر.

«مينسكىدە، باسقا وڭىرلەرگە قاراعاندا، ۆيرۋس جۇقتىرىپ جاتقانداردىڭ باسىم بولىگى 18-29 جاستاعى ازاماتتار»، دەدى الەكساندر تاراسەنكو.

اۋرۋدىڭ كلينيكالىق كورىنىسىندە بىرقاتار ايىرماشىلىقتار بايقالدى. اتاپ ايتقاندا، بۇرىن اۋرۋدىڭ اۋىر كەزى 7-8-ءشى كۇن بولسا، قازىر ول 3-4-ءشى كۇنگە كەلەدى.

سوڭعى جاڭالىقتار

اماناتقا ادالدىق

ادەبيەت • كەشە

ديلليان ۋايت قاھارىنا ءمىندى

كاسىپقوي بوكس • كەشە

ۇقساس جاڭالىقتار