ايماقتار • 23 قازان، 2021

بقو-دا پوليتسياعا پارا بەرگەن تۇرعىن ۇستالدى

131 رەت كورسەتىلدى

باتىس قازاقستان وبلىسىندا بايتەرەك اۋدانىنىڭ تۇرعىنى پوليتسيا قىزمەتكەرىنە پارا بەرگەنى ءۇشىن ۇستالدى، دەپ حابارلايدى Egemen.kz.

بقو پوليتسيا دەپارتامەنتىنىڭ رەسمي وكىلى بولاتبەك نۇرعوجين ءمالىم ەتكەندەي، داريان اۋىلىندا پ. ەسىمدى كۇدىكتىگە جالعان قۇجاتتار دايىنداماق بولعانى ءۇشىن ايىپ تاعىلعان.

قر قك 385-بابى 3-بولىگىنە سايكەس قىلمىستىق جاۋاپكەرشىلىككە تارتىلماۋ ءۇشىن اتالمىش تۇرعىن پريۋرال پوليتسيا ءبولىمى تەرگەۋ ءبولىمىنىڭ باستىعىنا كەلىپ، 300 مىڭ تەڭگە جانە 50 اقش دوللارى كولەمىندە پارا ۇسىنعان.

«پارا بەرۋ دەرەگى پوليتسيا قىزمەتكەرلەرىنىڭ بارلىق كابينەتتەرىندە ورناتىلعان بەينەباقىلاۋ كامەرالارىمەن تىركەلگەن. تەرگەۋ ءبولىمىنىڭ باستىعى وقيعا تۋرالى دەرەۋ حابارلاپ، پارا بەرۋشىنى ۇستادى. وعان قاتىستى قر قك 367-بابى «پارا بەرۋ» بويىنشا سوتقا دەيىنگى تەرگەۋ امالدارى جۇرگىزىلۋدە»، دەدى ب.نۇرعوجين.

سوڭعى جاڭالىقتار

ۇقساس جاڭالىقتار