الەم • 23 قازان، 2021

وزبەكستاندا «تىنىشتىق كۇنى» ورنادى

104 رەت كورسەتىلدى

بۇگىن وزبەكستاندا پرەزيدەنتتىك سايلاۋ الدىنداعى «تىنىشتىق كۇنى» ورنادى، دەپ حابارلايدى Egemen.kz.

«وزبەكستان رەسپۋبليكاسى پرەزيدەنتىن سايلاۋ تۋرالى» زاڭعا ساي، بۇگىننەن باستاپ داۋىس بەرۋ ناۋقانىنىڭ سوڭىنا دەيىن باق-تا، تەلەراديو حابارلارىن تاراتۋ ارنالارىندا سايلاۋالدى ۇگىت-ناسيحات جۇرگىزۋگە تىيىم سالىنادى، سونىمەن قاتار سايلاۋ الدى ۇگىت-ناسيحاتتىڭ باسقا دا تۇرلەرىن جۇرگىزۋگە بولمايدى.

زاڭدا سايلاۋعا دەيىنگى بەس كۇن ىشىندە، سونىمەن قاتار داۋىس بەرۋ كۇنى قوعام پىكىرى ساۋالنامالارىنىڭ ناتيجەلەرىن جانە سايلاۋعا بايلانىستى وزگە دە زەرتتەۋلەردى جاريالاۋعا تىيىم سالاتىن نورما بەكىتىلگەن.

وسىلايشا، «تىنىشتىق كۇنى» سايلاۋشىلارعا ۇگىت-ناسيحاتقا ەرمەي، ءوز بەتىنشە تاڭداۋ جاساۋعا مۇمكىندىك بەرەدى.

ەسكە سالا كەتسەك، وزبەكستاندا پرەزيدەنتتىك سايلاۋ 24 كازان كۇنى وتەدى. سايلاۋعا بەس كانديدات قاتىسىپ جاتىر، ولاردىڭ قاتارىندا ەلدىڭ قازىرگى پرەزيدەنتى شاۆكات ميرزيوەۆ تە بار.

سوڭعى جاڭالىقتار

ۇقساس جاڭالىقتار