مينيسترلىك فريستايل قۇراماسىنداعى جانجالعا تۇسىنىك بەردى

جانجال تۋىنداعان كەزدە كرۋگلىحينا ءوزىنىڭ Instagram-داعى پاراقشاسىندا ۆيدەو جاريالاپ, جاعدايدى تولىق بايانداعان.

ەسكە سالا كەتەيىك, بۇعان دەيىن قازاقستاندىق سپورتشى, فريستايل كومانداسىنىڭ ەكس-مۇشەسى الەكساندر گەبەرت Instagram-داعى پاراقشاسىندا 2020 جىلى ۇلتتىق قۇرامادان ءوز ەركىمەن كەتۋگە ءماجبۇر ەتكەنىن ايتقان.

ۆيدەودا الەكساندر گەبەرت باس باپكەر سپورتشىلارعا مەملەكەتتەن كۇندەلىكتى ءومىر سۇرۋگە بولىنەتىن اقشانىڭ قالعانىن قايتارۋعا ءماجبۇر ەتىپ, پسيحولوگيالق قىسىم كورسەتكەنىن ايتىپ شاعىمدانعان.

مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى 2020 جىلى الەكساندر گەبەرت كوميتەتتىڭ 2020 جىلعى 22 قازانداعى بۇيرىعىمەن فريستايل بويىنشا شتاتتىق قۇراما كوماندانىڭ قۇرامىنان شىعارىلعانىن راستادى.

كوميتەت نۇر-سۇلتان قالاسى بويىنشا ەكونوميكالىق تەرگەۋ دەپارتامەنتىنە, سونداي-اق, قارجى مونيتورينگى اگەنتتىگىنە حات جولداپ, وندا الەكساندر گەبەرتتىڭ ەلەنا كرۋگلىحينگە سپورتشىلاردان اقشا جيناۋعا قاتىستى شاعىمى بويىنشا تۇپكىلىكتى شەشىم قابىلداۋ تۋرالى اقپارات بەرىلەتىنىن حابارلادى.