تاعايىنداۋ • 22 قازان, 2021

ەڭبەك جانە حالىقتى الەۋمەتتىك قورعاۋ ۆيتسە-ءمينيسترى تاعايىندالدى

283 رەت

كورسەتىلدى

1 مين

وقۋ ءۇشىن

رۋسلان ساكەەۆ قازاقستان ەڭبەك جانە حالىقتى الەۋمەتتىك قورعاۋ ۆيتسە-ءمينيسترى بولىپ تاعايىندالدى, دەپ حابارلايدى Egemen.kz.

گاۋھار قاپاش

ەڭبەك جانە حالىقتى الەۋمەتتىك قورعاۋ ۆيتسە-ءمينيسترى تاعايىندالدى

«قازاقستان ۇكىمەتىنىڭ قاۋلىسى بويىنشا, رۋسلان كەڭەسار ۇلى ساكەەۆ قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ۆيتسە-ءمينيسترى لاۋازىمىنا تاعايىندالادى», دەلىنگەن حابارلامادا.

رۋسلان ساكەەۆ 1978 جىلى سولتۇستىك قازاقستان وبلىسىندا دۇنيەگە كەلگەن. قازاق مەملەكەتتىك زاڭ ۋنيۆەرسيتەتىن, قاراعاندى «بولاشاق» وزەكتى ءبىلىم بەرۋ ينستيتۋتىن بىتىرگەن. ەڭبەك جولىن 1999 جىلى قازاق گۋمانيتارلىق زاڭ ۋنيۆەرسيتەتى فيليالىنىڭ وقىتۋشىسى بولىپ باستاعان.

1999-2003 جىلدارى قازاق گۋمانيتارلىق زاڭ ۋنيۆەرسيتەتىندە ءتۇرلى قىزمەتتەر اتقاردى. 2003 جىلى پارلامەنت سەناتى دەپۋتاتىنىڭ كومەكشىسى بولدى.

2003-2005 جىلدارى قاراعاندى وبلىسىنىڭ ىشكى ساياسات دەپارتامەنتىندە ءتۇرلى لاۋازىمداردى اتقاردى.

2005-2006 جىلدارى - قاراعاندى وبلىسى اكىمى اپپاراتىنىڭ الەۋمەتتىك باعدارلامالار مەن ادامي فاكتورلاردى تالداۋ جانە مونيتورينگ ءبولىمىنىڭ مەڭگەرۋشىسى.

2006-2007 جىلدارى - قر ءام ءدىن ىستەرى كوميتەتىنىڭ ساراپتاما جانە تىركەۋ باسقارماسى باسشىسىنىڭ ورىنباسارى. ءار جىلدارى جەكە سەكتوردا جۇمىس ىستەگەن.

2014-2015 جىلدارى - قر بعم «تەحنيكالىق جانە كاسىپتىك ءبىلىم بەرۋدى جاڭعىرتۋ» جوباسىن باسقارۋ توبى جوباسىنىڭ جەتەكشىسى.

2017-2019 جىلدارى - ماڭعىستاۋ وبلىسى اكىمىنىڭ كەڭەسشىسى; اكىم ورىنباسارى.

2019 جىلعى قازاننان باستاپ قازىرگى ۋاقىتقا دەيىن - «كونفەسسياارالىق جانە وركەنيەتارالىق ديالوگتى دامىتۋ جونىندەگى ن. نازارباەۆ ورتالىعى» كەاق باسقارما توراعاسىنىڭ ورىنباسارى.

2020 جىلعى ناۋرىزدان قازىرگى ۋاقىتقا دەيىن قر تۇڭعىش پرەزيدەنتى – ەلباسى نۇرسۇلتان نازارباەۆتىڭ باستاماسىمەن قۇرىلعان «BIRGEMIZ» قق باسقارما توراعاسى بولدى.