الەم • 22 قازان، 2021

رەسەيدە جويقىن جارىلىستان 15 ادام قازا تاپتى

96 رەت كورسەتىلدى

22 قازان تاڭەرتەڭ ريازان وبلىسىندا جارىلعىش زات وندىرەتىن «رازرياد» كومپانياسىنىڭ تسەحىندا ءورت بولدى. سوڭعى مالىمەتتەر بويىنشا سونىڭ سالدارىنان 15 ادام كوز جۇمدى، دەپ حابارلايدى Egemen.kz.

بۇل تۋرالى تاسس اگەنتتىگى مالىمدەدى.

شيلوۆ اۋدانى لەسنوە پوسەلكىسىندەگى بۇل وقيعاعا قاتىستى اقپارات توتەنشە جاعدايلار مينيسترلىگىنە ماسكەۋ ۋاقىتىمەن ساعات 08:22 كەزىندە حابارلاندى. ءورت ءبىر قاباتتى تسەحتا بولعان جانە وندا جارىلعىش زات ساقتالعان.

ءورت 160 شارشى مەتر اۋداندا اۋىزدىقتالىپ، قازىرگى كەزدە قىزىل جالىن ءسوندىرىلدى.

بەلگىلى بولعانداي، تسەح عيماراتى تولىقتاي قيراپ، وپىرىلىپ تۇسكەن. تەك جەكەلەي قۇرىلىستار عانا ءورت سالدارىنان بۇزىلماعان.

ريازان وبلىسىنىڭ بيلىگى 15 ادامنىڭ قازا بولعانىن راستادى. اتالعان وقيعا بويىنشا رف تەرگەۋ كوميتەتى تەكسەرۋدى باستاپ كەتتى. عيماراتىندا ءورت بولعان «رازرياد» جشق ونەركاسىپتىك جارىلعىش زات شىعارۋعا ماماندانعان. سونىمەن قاتار كاسىپورىن وق-ءدارىنى ۋتيليزاتسيالاۋمەن اينالىسىپ كەلدى.

سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار