«قازاقستاندا جىل سايىن كاسىپتىك اۋرۋلاردىڭ 400-دەن استام جاعدايى تىركەلەدى. سوڭعى 3 جىلدا ولاردىڭ سانى 21%-عا ازايدى. قابىلدانعان كەشەندى شارالار ناتيجەسىندە سوڭعى 5 جىلدا (2016-2020 جج.) وندىرىستە زارداپ شەككەندەر سانى 10,7%-عا (1683-تەن 1503 ادامعا دەيىن), ونىڭ ىشىندە قازا بولعاندار سانى – 16%-عا (248-دەن 208 ادامعا دەيىن) ازايدى. جازاتايىم وقيعالاردىڭ جيىلىك كوەففيتسيەنتى 1000 جۇمىسشىعا شاققاندا 0,32-دەن 0,23-كە دەيىن تومەندەدى», دەپ حابارلادى ەربول نۇرعاليەۆ.
ۆەدومستۆو باسشىسىنىڭ ايتۋىنشا, بيىل 9 ايدا ەلىمىزدىڭ كاسىپورىندارىندا 1062 ادام زارداپ شەكتى (2020 جىلدىڭ 9 ايىندا – 1023 ادام), ونىڭ ىشىندە 140 ادام قازا تاپتى (2020 جىلدىڭ 9 ايىندا – 144 ادام).
وندىرىستىك جاراقاتتانۋدىڭ ءوسۋى: اقتوبە (54 ادامنان 91 ادامعا دەيىن), اتىراۋ (21 ادامنان 38 ادامعا دەيىن), جامبىل (34 ادامنان 42 ادامعا دەيىن), قىزىلوردا (32 ادامنان 53 ادامعا دەيىن), پاۆلودار (76 ادامنان 87 ادامعا دەيىن) وبلىستارىندا جانە نۇر-سۇلتان قالاسىندا (32 ادامنان 43 ادامعا دەيىن) بايقالادى.
قازا تابۋ جاعدايلارىنىڭ سانى اقتوبە (11-دەن 19 ادامعا دەيىن), جامبىل (4-تەن 14 ادامعا دەيىن), باتىس قازاقستان (2-دەن 5 ادامعا دەيىن), قىزىلوردا وبلىستارىندا (5-تەن 12 ادامعا دەيىن), نۇر-سۇلتان قالاسىندا (10-نان 14 ادامعا دەيىن), شىمكەنت قالاسىندا (4-تەن 5 ادامعا دەيىن) ارتتى.
جاراقاتتانۋدىڭ جوعارى دەڭگەيى قاراعاندى (183 ادام زارداپ شەكتى), شىعىس قازاقستان (124 ادام), اقتوبە (91 ادام), پاۆلودار (87 ادام), قوستاناي (82 ادام), تۇركىستان (56 ادام) وبلىستارىندا جانە الماتى قالاسىندا (69 ادام) ساقتالۋدا.
