ءسويتىپ كىشكەنتاي ساشانىڭ تالانتى مەن بىلىمگە دەگەن قۇشتارلىعى قازىلار القاسىنان لايىقتى باعا الىپ, ول ديپلوممەن, سەرتيفيكات جانە «جاس عالىم» توسبەلگىسىمەن ماراپاتتالدى. سونىمەن بىرگە جاس تالاپتىڭ جوباسى رەسپۋبليكالىق كىتاپ-جيناققا ەنگىزىلدى.
اناسى ەلەنا كۋروپياتنيكوۆانىڭ ايتۋىنشا, ساشا بەس جىلدان بەرى ەجەلگى زامان جانۋارلارىنا قىزىعۋشىلىق تانىتىپ كەلەدى ەكەن. بالاقايدىڭ ءبىلىمىن بايىتىپ, تانىمىن كەڭەيتۋ ماقساتىندا اتا-اناسى ونى ەگيپەتتەگى دينوزاۆرلار ساياباعىنا دا اپارىپتى.
ساشا ساباقتى جاقسى وقيتىن كورىنەدى. پاندەردىڭ ىشىندە ماتەماتيكا مەن اعىلشىن ءتىلىن ۇناتادى ەكەن.
سىنىپ جەتەكشىسى ولگا شتەر ساشا قولعا العان جوبانىڭ يدەياسى جاراتىلىستانۋ ساباعى ۇستىندە تۋىنداعانىن ايتادى.
– ءبىز «قازاقستان اۋماعىندا تىرشىلىك ەتكەن جانۋارلار» تاقىرىبىن تالقىلادىق. بالالار: «ەلىمىزدىڭ اۋماعىندا دينوزاۆرلار بولدى ما؟», دەگەن سۇراق قويدى. ساشانىڭ بۇل سۇراققا جاۋاپ ىزدەگەن تالپىنىسى بىردەن ۇنادى, سوندىقتان, مەن وعان بۇل تۋرالى كوبىرەك مالىمەت جيناۋعا تاپسىرما بەردىم, – دەيدى ول.
ايتا كەتەتىن ءبىر جايت, ساشا مەن ۇستازىنىڭ زەرتتەۋ ەڭبەگى قازاقستان اۋماعىندا دينوزاۆرلاردىڭ وننان استام ءتۇرىنىڭ تىرشىلىك ەتكەنىن انىقتاۋعا سەپتىگىن تيگىزگەن كورىنەدى.
