قوعام • 21 قازان، 2021

زاعيپ جاندارعا ارنالعان كىتاپحانالار قورى ارتادى

34 رەت كورسەتىلدى

زاعيپ جانە كوزى ناشار كورەتىندەرگە ارنالعان كىتاپحانالار قورى ۇلعايتىلادى. بۇل تۋرالى ورتالىق كوممۋنيكاتسيالار قىزمەتىندە «ۇلتتىق رۋحاني جاڭعىرۋ» ۇلتتىق جوباسى ماقساتىن ءتۇسىندىرۋ كەزىندە قر مادەنيەت جانە سپورت ۆيتسە-ءمينيسترى نۇرقيسا داۋەشوۆ ايتتى، دەپ حابارلايدى Egemen.kz.

مينيسترلىك ۇلتتىق جوبانىڭ «ەل رۋحى» II-باعىتى اياسىندا زاعيپ جانە كوزى ناشار كورەتىندەرگە ارنالعان كىتاپحانالار قورىن، سونىڭ ىشىندە مەملەكەتتىك تىلدەگى قوردى ۇلعايتۋ ءىس-شاراسىن جۇرگىزۋدە. بۇل باعىتتاعى جۇمىس ەلىمىزدەگى مۇمكىندىگى شەكتەۋلى ادامدار ءۇشىن تەڭ قولجەتىمدىلىكتى قالىپتاستىرۋ جانە ولاردىڭ الەۋەتىن ىسكە اسىرۋ ماقساتىندا 2025 جىلعا دەيىنگى كەزەڭدى قاراستىرادى.

وسى باعىتتاعى جۇمىستار ەلىمىزدەگى زاعيپ جانە ناشار كورەتىن ازاماتتارعا ارنالعان كىتاپحانالارمەن بىرلەسە جۇرگىزىلەدى. اتالعان كىتاپحانا وقىرماندارىنىڭ نەگىزگى اقپارات كوزى - بەدەرلى-نۇكتەلى شريفتپەن، ياعني برايل قارپىندەگى كىتاپتار. بۇل رەتتە، مينيسترلىكتىڭ 2021-2023 جىلدارعا ارنالعان بيۋدجەتتىك جوسپارىندا جىل سايىن زاعيپ جانە ناشار كورەتىن ازاماتتارعا ارنالعان رەسپۋبليكالىق كىتاپحاناعا برايل پرينتەرى مەن ءبرايلدىڭ ءپورتاتيۆتى تاكتيلدى ديسپلەيلەرىن، ماتەريالدىق ەمەس اكتيۆتەردى ساتىپ الۋ ءۇشىن جانە كىتاپحانا قورىن تولىقتىرۋعا ءتيىستى قاراجات قاراستىرىلعان.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار