ايماقتار • 21 قازان، 2021

پەتروپاۆل مەكتەپتەرىنە الاشتىقتاردىڭ ەسىمىن بەرۋدى ۇسىندى

40 رەت كورسەتىلدى

سولتۇستىك قازاقستان وبلىستىق ءماسليحاتى 7 شاقىرىلىمىنىڭ كەزەكتەن تىس وتكەن سەسسياسىندا پەتروپاۆلداعى ءبىلىم بەرۋ جانە سپورت نىساندارىنىڭ تورتەۋىنە قازاقتىڭ ءبىرتۋار ۇلدارىنىڭ ەسىمدەرىن بەرۋ تۋرالى شەشىم قابىلداندى، دەپ حابارلايدى Egemen.kz.

سقو ءماسليحات دەپۋتاتتارىنىڭ الدىندا مادەنيەت، تىلدەردى دامىتۋ جانە ارحيۆ ءىسى باسقارماسى باستىعىنىڭ مىندەتىن اتقارۋشى دوسبول ءابدىريسوۆ بايانداما جاساپ، پەتروپاۆلداعى بىرقاتار نىسانعا الاش ارداقتىلارىنىڭ ەسىمىن بەرۋدى ۇسىندى.

اتاپ ايتقاندا، №25 جالپى ءبىلىم بەرەتىن ورتا مەكتەپكە – الاش پارتياسىنىڭ جەتەكشىسى، الاشوردا ۇكىمەتىنىڭ توراعاسى، پۋبليتسيست، عالىم، اۋدارماشى ءاليحان بوكەيحاننىڭ، № 2 ورتا مەكتەپكە – كەڭەستىك مەملەكەت، ساياسي، مادەنيەت قايراتكەرى، رەسپۋبليكانىڭ حالىق اعارتۋ كوميسسارى بولعان، سولتۇستىك قازاقستان ءوڭىرىنىڭ تۋماسى سماعۇل سادۋاقاس ۇلىنىڭ، №9 ورتا مەكتەپكە قازاقتىڭ اقىنى، ادەبيەت زەرتتەۋشى عالىم، پۋبليتسيست، پەداگوگ، اۋدارماشى، قوعام قايراتكەرى، ۇلتتىق جازۋدىڭ رەفورماتورى، اعارتۋشى، الاشوردا وكىمەتىنىڭ مۇشەسى - احمەت بايتۇرسىن ۇلىنىڭ ەسىمدەرىن بەرۋ ۇسىنىلدى.

سونداي-اق ۇلتتىق سپورت تۇرلەرىنەن وبلىستىق بالالار مەن جاسوسپىرىمدەر سپورت مەكتەبىن قازاق حالقىنىڭ تاريحىنداعى تۇڭعىش كاسىپقوي بالۋان قاجىمۇقان ەسىمىمەن اتاۋ ماسەلەسى كوتەرىلدى. سقو ءماسليحات دەپۋتاتتارى ۇسىنىستى ءبىراۋىزدان قابىلدادى. ەندى وبلىستىق اكىمدىك جانىنداعى ونوماستيكالىق كوميسسيانىڭ قاۋلىسى مەن وبلىستىق ءماسليحات شەشىمى رەسپۋبليكالىق ونوماستيكالىق كوميسسيانىڭ قاراۋىنا جىبەرىلەدى.

ءبىر جىل بۇرىن پەتروپاۆلداعى ونەر كوللەدجىنە ەرمەك سەركەباەۆتىڭ، وبلىستىق فيلارمونياعا اقان سەرىنىڭ ەسىمدەرى بەرىلگەن ەدى. سونداي-اق ەكى اۋدانداعى مەكتەپتەر ماعجان جۇماباەۆتىڭ جانە قوجابەرگەن جىراۋدىڭ ەسىمىمەن اتالدى.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

ۇقساس جاڭالىقتار