«اسسامبلەيا جاستارمەن جۇرگىزىلەتىن جۇمىسقا باسا نازار اۋدارۋعا ءتيىس. ارينە, بۇل سالادا تاجىريبەمىز بار. سونى ودان ارى دامىتا بەرگەن ءجون. مىسالى, Big 7 دەپ اتالعان جوبا اياسىندا ەلىمىزدەگى كوپتەگەن جاستار ۇيىمى «جاڭعىرۋ جولى» رەسپۋبليكالىق قوعالىسىنىڭ اينالاسىنا توپتاستى. ولار وڭىرلەردەگى جاستار ءىسى جونىندەگى كەڭەستەرمەن جانە رەسۋرستىق ورتالىقتارمەن بايلانىسىن نىعايتا ءتۇستى», دەدى قاسىم-جومارت توقاەۆ.
ونىڭ ايتۋىنشا, بۇل جۇمىسقا تىڭ سەرپىن بەرۋ كەرەك.
«وسى ورايدا «جاڭعىرۋ جولى» قوزعالىسىن اسسامبلەيانىڭ رەسپۋبليكالىق جاستار ۇيىمى رەتىندە قايتا قۇرۋ مۇمكىندىگىن قاراستىرعان ءجون», دەدى مەملەكەت باسشىسى.
