كوروناۆيرۋس • 21 قازان، 2021

Pfizer ۆاكتسيناسى تۋرالى ءتۇسىندىرۋ جۇمىسىن كۇشەيتۋ قاجەت

760 رەت كورسەتىلدى

قر باس مەملەكەتتىك سانيتاريالىق دارىگەرى ەرلان قياسوۆ اقش-تىڭ Pfizer ەكپەسىمەن ۆاكتسيناتسيالاۋعا قاتىستى ادىستەمەلىك ۇسىنىمدارىن جاريالادى، دەپ حابارلايدى Egemen.kz.

كوروناۆيرۋسقا قارسى ۆاكتسينانىڭ بۇل ءتۇرىن 12 جاستاعى جانە ودان ۇلكەن جاسوسپىرىمدەر، جۇكتى ايەلدەر (جۇكتىلىكتىڭ 16 اپتاسىنان باستاپ 37 اپتاسىنا دەيىن)، لاكتاتسيا كەزەڭىندەگى ايەلدەر بوسانعاننان كەيىنگى كەزەڭ اياقتالعان 42 كۇننەن كەيىن) سالدىرا الادى.

«ۆاكتسينا سالدىرۋ الدىندا كوروناۆيرۋسقا انتيدەنەلەردىڭ بولۋىنا تەكسەرۋ جۇرگىزىلمەيدى. ۆيرۋسپەن اۋىرىپ جازىلعان ادامدارعا ساۋىققاننان كەيىن 3 ايدان سوڭ ۆاكتسيناتسيالاۋعا بولادى. جەرگىلىكتى اتقارۋشى ورگانداردىڭ اۋماقتىق دەنساۋلىق ساقتاۋ باسقارمالارى، سانيتاريالىق-ەپيدەميولوگيالىق باقىلاۋ كوميتەتى جانە وبلىستىق دەپارتامەنتتەرى بىرلەسىپ كۆي-گە قارسى ۆاكتسيناتسيالاۋعا دايىندىق جۇرگىزۋ قاجەت. سونداي-اق دەنساۋلىق ساقتاۋ جۇيەسىنىڭ بارلىق دەڭگەيلەرىندە جۇمىس توپتارىن قۇرىپ، ءىس-شارالار جوسپارىن ازىرلەۋى قاجەت»، دەلىنگەن مالىمەتتە.

ەكپە الاتىندارعا جاتاتىن ادام سانىنا سايكەس ەگۋ بريگادالارىنىڭ قاجەتتى سانى، ۆاكتسينا، شىعىن ماتەريالدارى، توڭازىتقىش جابدىقتار، اۆتوكولىك سانى ەسەپتەلەدى.

وڭىرلەردەگى دەنساۋلىق ساقتاۋ باسقارماسى اۋماقتىق دەپارتامەنتپەن جانە ءبىلىم باسقارماسىمەن بىرلەسىپ جاۋاپتى ماماندار قاتارىنان ءاربىر اۋدان، قالا بويىنشا كۆي-گە قارسى ۆاكتسيناتسيا جۇرگىزۋ جونىندەگى ءىس-شارالاردى ۇيلەستىرەتىن كۋراتوردى تاعايىنداۋى قاجەت.

«بۇل رەتتە حالىقپەن جۇمىستىڭ ۇيىمداستىرىلۋىنا، ونىڭ ىشىندە ازاماتتاردى، كامەلەتكە تولماعانداردىڭ اتا-انالارىن اقپاراتتاندىرۋعا نازار اۋدارۋ قاجەت. تاعايىندالعان كۋراتورلار: ەگىلۋگە جاتاتىن حالىقتىڭ كوروناۆيرۋسقا قارسى ۆاكتسيناتسيالاۋعا دايىندىعىن باعالاۋدى، ءاربىر ەگۋ بريگاداسىنىڭ تالاپقا ساي جاساقتالۋىن، ۆاكتسينانى توڭازىتقىش جابدىقتارىندا ساقتاۋ جانە تاسىمالداۋ قاعيدالارىنىڭ ساقتالۋىن، ەكپەلەرمەن جۇمىس، ەگۋ تەحنيكاسى، ەگۋگە رۇقساتتى دۇرىس انىقتاۋ، ۆاكتسينا سالىنعان سوڭ يممۋنداۋدان كەيىنگى قولايسىز كورىنىستەر بويىنشا مەديتسينا قىزمەتكەرلەرىنىڭ ءبىلىمىن باعالاۋدى جۇزەگە اسىرۋى ءتيىس»، دەلىنگەن ادىستەمەلىك ۇسىنىمدا.

سوڭعى جاڭالىقتار

دوللار قىمباتتاپ بارادى

قارجى • بۇگىن، 11:20

لوماچەنكودان قازىردەن قاشىپ وتىر

كاسىپقوي بوكس • بۇگىن، 10:35

«ۇزدىكتەردىڭ ۇزدىگى» انىقتالدى

ۇلتتىق سپورت • بۇگىن، 10:12

«قىزىل» ايماقتا ءبىر عانا ءوڭىر قالدى

كوروناۆيرۋس • بۇگىن، 09:52

كوگەرشىندەر كورمەسى

ايماقتار • بۇگىن، 09:44

مىندەتتى قارسىلاس اتاندى

بوكس • بۇگىن، 09:42

تاۋەلسىزدىك تاسپاسى تاراتىلادى

تاۋەلسىزدىكتىڭ 30 جىلدىعى • بۇگىن، 09:40

قپل-ءدىڭ قىمبات فۋتبولشىلارى

فۋتبول • بۇگىن، 09:38

ۇقساس جاڭالىقتار