«بوگاتىر كومىر» جشس-نىڭ تاريفتىك سمەتانىڭ ورىندالۋى تۋرالى ەسەبىن قاراۋ ناتيجەلەرى بويىنشا, ۇلتتىق ەكونوميكا مينيسترلىگى تابيعي مونوپوليالاردى رەتتەۋ كوميتەتىنىڭ پاۆلودار وبلىسى بويىنشا دەپارتامەنتى سۋبەكتىنىڭ بەكىتىلگەن تاريفتىك سمەتا شىعىندارىنىڭ باپتارىن بەكىتىلگەن تاريفتىك سمەتادا كوزدەلگەن مولشەردىڭ 669,2 مىڭ تەڭگە مولشەرىندە بەس پايىزدان استام ورىنداماۋىنا جول بەرگەنىن انىقتادى.
وسىلايشا, دەپارتامەنت 2021 جىلعى 1 قازاندا ««بوگاتىر كومىر» جشس-نىڭ قوزعالمالى قۇرامنىڭ ءوتىپ كەتۋىنە كىرمە جولداردى ۇسىنۋ قىزمەتىنە ۋاقىتشا وتەمدىك تاريفتەر بەكىتۋ تۋرالى» بۇيرىق شىعاردى, وعان سايكەس تاريفتەر: 2021 جىلعى 1 قاراشا – 2022 جىلعى 31 قاڭتار ارالىعىندا تاريف 10,62 تەڭگە/ۆاگون-كم-دەن 10,55 تەڭگە/ۆاگون-كم-گە دەيىن نەمەسە (0,7%); 2022 جىلعى 1 اقپان – 2022 جىلعى 31 قازان ارالىعىندا تاريف 11,12 تەڭگە/ۆاگون-كم-دەن 10,92 تەڭگە/ۆاگون-كم-گە دەيىن نەمەسە (1,8%) مولشەرىندە تومەندەدى.
جول بەرىلگەن بۇزۋشىلىق ءۇشىن, «بوگاتىر كومىر» جشس-ى «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسىنىڭ كودەكسىنىڭ 164-بابىنىڭ 4-بولىگى بويىنشا اكىمشىلىك جاۋاپكەرشىلىككە تارتىلىپ, 4 667 200 تەڭگە مولشەرىندە ايىپپۇل سالىندى.
