ەكونوميكا • 21 قازان، 2021

543 ملرد تەڭگەنىڭ ءونىمى ءوندىرىلدى

46 رەت كورسەتىلدى

قىزىلوردا وبلىسىنىڭ توعىز ايداعى الەۋمەتتىك-ەكونوميكا­لىق دامۋ قورىتىندىسى بىرقاتار سالادا ءوسىم بار ەكەنىن كور­سەتىپ وتىر. جىل باسىنان بەرى وبلىستاعى ونەركاسىپ كاسىپ­ورىندارى 543 ملرد تەڭگەنىڭ ءونىمىن ءوندىرىپتى. ونىڭ ىشىندە پايدالى قازبالاردى ءوندىرۋ – 5،3، تاۋ-كەن ءوندىرۋ ونەركاسىبىندە قىزمەت كورسەتۋ – 13،6 جانە وڭدەۋ ونەركاسىبى 12،6%-عا ارتقان.

بۇدان بولەك، جەڭىل ونەر­كاسىپ ونىمدەرىن ءوندىرۋ – 2،6، وزگە دە بەيمەتالل مينەرالدىق ونىم­دەردى ءوندىرۋ 2 ەسەگە ۇل­عايىپتى. تاماق ونىمدەرىن ءوندىرۋ سالاسى – 12،5، ال ماشينالار مەن جابدىقتاردى جوندەۋ جانە ورناتۋ – 48،4، جيھاز ءوندىرۋ 20،6%-عا كوبەيگەن. حيميا ونەركاسىبى ونىمدەرى، كوكس جانە مۇناي وڭدەۋ، رەزەڭكە جانە پلاستماسسا بۇيىمداردى ءوندىرۋ دە ەداۋىر ارتقاندىقتان وڭدەۋ ونەركاسىبىنىڭ ءوسىمى 12،6 پايىزعا جەتتى. جىل باسىنان بەرى وڭدەۋ ونەركاسىبى سالاسىندا 123،8 ملرد تەڭگەنىڭ ءونىمى ءوندىرىلىپتى.

ايماقتىڭ دامۋ قارقىنىن سيپات­تايتىن ەڭ ماڭىزدى كورسەت­كىش­تەرىنىڭ ءبىرى ينۆەستيتسيا تار­تۋ ەكەندىگى انىق. جىل باسى­نان بەرى ءوڭىر ەكونوميكاسىنا 186،4 ملرد تەڭ­گەنىڭ ينۆەستيتسيا­سى سالىن­عان. قارجى تارتۋ Data Cen­ter عيما­راتى، سىرداريا وزەنى­نىڭ سول جا­عا­­­لاۋىنداعى تۇرعىن ۇي­لەر قۇ­رى­لىسى، جولدار، سۋمەن جاب­دىق­تاۋ، قىزىلوردا قالاسىن­داعى شىنى زاۋىتىنىڭ قۇرىلىس-مونتاجداۋ جۇمىستارى ەسەبىنەن ارتىپ وتىر.

قاڭتار-قىركۇيەك ايلارىندا جالپى قۇنى 63،1 ملرد تەڭگە بولاتىن قۇرىلىس جۇمىستارى جۇزەگە اسىرىلعان. ونىڭ ىشىندە 502،4 مىڭ شارشى مەتر تۇرعىن ءۇي پايدالانۋعا بەرىلدى. قۇرىلىس قارقىنىنىڭ وتكەن جىلدىڭ وسى كەزەڭىمەن سالىستىرعاندا ەداۋىر ارتقانى بايقالادى.

اۋىل شارۋاشىلىعى ونىم­دەرىنىڭ كولەمى 119،9 ملرد تەڭگەگە جەتىپ، بىلتىرعىدان ارتتى. توعىز اي ىشىندە وڭىردە جالپى ەسەپپەن ءتىرى سالماقتا 26،9 مىڭ توننا مال جانە قۇس ەتى، 66،7 مىڭ توننا ءسۇت، 5،7 ملن دانا جۇ­مىرتقا ءوندىرىلدى.

بيىل تۇرعىنداردى، ونىڭ ىشىندە جاستاردى تۇراقتى جۇ­مىس­پەن قامتاماسىز ەتۋگە باسا ءمان بەرىلدى. بوس جۇمىس ورىندارى جارمەڭكەلەرى جۇيەلى ۇيىم­داستىرىلدى. ەسەپتى كەزەڭدە 25 033 جاڭا جۇمىس ورنى قۇرىلدى، ونىڭ 12 372-ءسى تۇراقتى.

ءوڭىر ەكونوميكاسىنىڭ دا­مۋى­نا ىقپال ەتەتىن تاعى ءبىر سالا – شاعىن جانە ورتا كاسىپكەرلىك. وسى جىلدىڭ قاڭتار-قىركۇيەك ايلارىندا وبلىستا جۇمىس ىستەپ تۇرعان شاعىن جانە ورتا بيزنەس سۋبەكتىلەرىنىڭ سانى 6،6%-عا ارتىپ، 50 596-عا جەتتى. بۇعان بيزنەسكە باعىتتالعان مەملەكەتتىك قولداۋ شارالارى اسەر ەتكەنىن ايتا كەتۋىمىز كەرەك. جالپى بيىل ايماقتا بيزنەستى دامىتۋعا شامامەن 23،8 ملرد تەڭگە باعىتتالدى.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

ۇقساس جاڭالىقتار