ايماقتار • 20 قازان، 2021

پەتروپاۆلدا مادەنيەت ءۇيىنىڭ توبەسى قۇلادى

39 رەت كورسەتىلدى

پەتروپاۆلداعى مادەنيەت ءۇيىنىڭ توبەسى وپىرىلىپ ءتۇستى، ەشكىم زارداپ شەكپەدى، دەپ حابارلايدى Egemen.kz.

پەتروپاۆلداعى مادەنيەت ءۇيى عيماراتى 1930 جىلدارى سالىنىپ، پايدالانۋعا بەرىلگەن. الەۋمەتتىك نىسان 9 جىل بۇرىن كۇردەلى جوندەۋدەن وتكەن. ەندى كونە عيمارات بىرتىندەپ بۇزىلىپ جاتىر. ونىڭ توبەسىن ۇستاپ تۇرعان بەتون تىرەۋىش مايىسىپ، قۇلاپ كەتكەن. توبەسى قۇلاعاندا جاقىن ماڭدا قىزمەتكەرلەر بولماعان، ياعني زارداپ شەككەندەر جوق.

قازىرگى ۋاقىتتا مادەنيەت ءۇيىنىڭ قىزمەتكەرلەرى (اكىمشىلىك قۇرامنان باسقاسى) قاشىقتان جۇمىس ىستەۋ رەجيمىنە كوشىرىلدى.

«ۇستىڭگى قاباتتارعا كوتەرىلۋگە بولمايدى، تىيىم سالىندى. باسشىلىق ونى قاتتى قاداعالاۋدى تاپسىردى. توبەسىنىڭ قالعان بولىگى قۇلاپ كەتۋ قاۋپى بار»، دەيدى مەكەمەنىڭ كۇزەتشىسى.

مادەنيەت ۇيىندە شىعارماشىلىق ۇجىمدارمەن قاتار مەكتەپ وقۋشىلارىنا ارنالعان 25 ۇيىرمە جۇمىس ىستەيدى. عيماراتتىڭ اپاتتىق جاعدايدا تۇرعانىنا بايلانىستى 546 تاربيەلەنۋشى باسقا ورتالىقتارعا اۋىستىرىلدى.

«تىرەۋى مايىسىپ كەتكەن. ساراپتاما جاسالدى. توبەنى قالپىنا كەلتىرۋ ءۇشىن جوبالىق-سمەتالىق قۇجاتتار ازىرلەندى. جونگە كەلتىرۋ ءۇشىن وبلىستىق بيۋدجەتتەن قاراجات سۇرايمىز. شامامەن 105 ملن تەڭگە قاجەت. مادەنيەت ءۇيى قايتادان قاشان ىسكە قوسىلاتىنى ازىرگە بەلگىسىز»، دەيدى پەتروپاۆل قالاسى اكىمىنىڭ ورىنباسارى اسقار حابيبۋلين.

سوڭعى جاڭالىقتار

مەركەل قىزمەتىنەن كەتتى

ساياسات • بۇگىن، 17:30

ساراپشى گولوۆكيندى قاتتى سىناپ تاستادى

كاسىپقوي بوكس • بۇگىن، 16:15

دوللار قىمباتتاپ بارادى

قارجى • بۇگىن، 11:20

ۇقساس جاڭالىقتار