انار مەشىمباەۆا 7 جىلعا سوتتالدى

بۇگىن, استانادا ەسىل اۋداندىق سوتىندا 2009 جىلى ۇلتتىق ساناققا بولىنگەن 758 ملن.تەڭگەنى جىمقىردى دەپ ايىپتالعان ستاتيستيكا اگەنتتىگىنىڭ بۇرىنعى ءتورايىمى انار مەشىمباەۆاعا قاتىستى سوت ۇكىمى شىقتى. بۇل تۋرالى «قازاقستان» تەلەارناسى حابارلادى. ول سەنىپ تاپسىرىلعان بوتەن م ۇلىكتى ىسىراپ قىلعانى جانە قىزمەتتىك وكىلەتتىگىن تەرىس پايدالانعانى ءۇشىن 7 جىلعا باس بوستاندىعىنان ايىرىلدى. الايدا, سوت پروتسەسى بارىسىندا ستاتيستيكا اگەنتتىگىنىڭ بۇرىنعى باسشىسى ەكى باپ بويىنشا وزىنە تاعىلعان كىنانى مويىندامادى. «قىلمىستىق كودەكستىڭ 176-بابى 3-بولىگىنىڭ «ب», «گ» تارماقتارى بويىنشا سەنىپ تاپسىرىلعان بوتەن م ۇلىكتى ىسىراپ ەتكەنى, سونداي-اق, قىزمەتتىك وكىلەتتىگىن تەرىس پايدالانعانى ءۇشىن انار مەشiمباەۆانى كiنالi دەپ تاۋىپ, ونى 7 جىلعا جالپى رەجيمدەگi كولونيادا باس بوستاندىعىنان ايىرۋ جازاسى تاعايىندالسىن. جەكەمەنشiك مۇلكiن تاركiلەۋ جانە مەملەكەتتiك قىزمەتكە ورنالاسۋعا 5 جىلعا دەيiن تىيىم سالۋ قاراستىرىلسىن», - دەپ شەشىم شىعاردى استانا قالاسى ەسىل اۋداندىق سوتىنىڭ سۋدياسى اقمارال يساەۆا. ا.مەشىمباەۆاعا قاتىستى  قوزعالعان قىلمىستىق ءىس 2010 جىلدىڭ قاڭتار ايىندا باستالعان ەدى.  سول كەزدە ول قازاقستاننان كەتىپ, ءىزىن سۋىتتى. ارادا ءتورت جىل وتكەندە ماسكەۋدە قۇقىق قورعاۋ قىزمەتكەرلەرىنىڭ قولىنا ءتۇسىپ, ەلگە جەتكىزىلدى. دەرەككوز: «قازاقستان» تەلەارناسى. فوتو: Newskaz.ru.