قازاقستان • 20 قازان، 2021

مۇعالىمدەردى سەنبىلىك جۇمىسقا جەككەندەر جازالانادى

280 رەت كورسەتىلدى

مۇعالىمدەردى مىندەتتەرىنەن تىس جۇمىستاردى ورىنداۋعا تارتاتىندار قاتاڭ جازالانادى. بۇل تۋرالى وكق بريفينگىندە ءبىلىم جانە عىلىم ۆيتسە-ءمينيسترى شولپان قارينوۆا ءمالىم ەتتى، دەپ حابارلايدى Egemen.kz.

«ولاردىڭ قۇقىقتارىن قورعايتىن «پەداگوگ مارتەبەسى تۋرالى» زاڭ بار. مۇعالىمنىڭ سەنبىلىككە شىقپاۋعا قۇقىعى بار. زاڭعا سايكەس مۇعالىمدەر بۇدان باس تارتا الادى»، دەدى شولپان قارينوۆا.

ول بۇعان دەيىن ءبىلىم جانە عىلىم ءمينيسترى بعم-ءنىڭ وسى ماسەلە بويىنشا ۇستانىمىن ناقتى ايتقانىن ەسكە سالدى.

ء«بىز مۇعالىمدەردى وزىنە ءتان ەمەس فۋنكتسيالاردى ورىنداۋعا تارتۋعا قارسىمىز. مۇعالىمدەردى وسى ەرەكشە جۇمىستارعا تارتاتىنداردىڭ بارلىعىنا زاڭ شەڭبەرىندە قاتاڭ جازالاناتىن شارالار قابىلداناتىن بولادى. مۇعالىمنىڭ ءبىرىنشى فۋنكتسياسى - بالالارعا بارلىق پاندەر بويىنشا ءبىلىم بەرۋ. وقىتۋ، تاربيەلەۋ – مۇعالىمنىڭ نەگىزگى قىزمەتى. باسقا ءىس-شارالارعا پەداگوگتاردى ەشكىم تارتپاۋى ءتيىس»، دەپ مالىمدەدى ۆيتسە-مينيستر.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار