ەندىگى مىندەت – تاپسىرمالاردى ورىنداۋ

«نۇر وتان» پارتياسى وبلىستىق فيليالىنىڭ كەزەكتەن تىس وتكەن ءحىح كونفەرەنتسياسىندا «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋ تالاپتارىنان تۋىندايتىن مىندەتتەر تالقىلانىپ, ساياسي كەڭەستىڭ دەربەس قۇرامىنا وزگەرىستەر ەنگىزىلدى. ءبىرىنشى ماسەلە بويىنشا ايماق باسشىسى, «نۇر وتان» پارتياسى جەرگىلىكتى فيليالىنىڭ توراعاسى سامات ەسكەندىروۆ بايانداما جاسادى. ول بيىلعى باعدارلامالىق قۇجات اۋقىمدىلىعىمەن, ناقتىلىعىمەن سيپاتتالاتىنىن, ەل دامۋىنىڭ 2050 جىلعا دەيىنگى جاڭا مىندەتتەرى مەن جاقىن كەلەشەكتەگى ستراتەگيالىق كوكجيەكتەرى ايقىندالعانىن, 30 مەملەكەتتىڭ قاتارىنا ەنۋ ەكى كەزەڭ بويىنشا جۇزەگە اسىرىلاتىنىن اتاپ ءوتتى. ودان ءارى جولداۋ پارتيانىڭ باستى قۇجاتتارىمەن ۇيلەسىم تاپقانىنا, بۇل ورايدا, ساياسي دوكترينانىڭ ورنى ەرەكشە ەكەنىنە, ونىڭ باستى ساياسي كۇش جانە پرەزيدەنتتىڭ نەگىزگى تىرەگى رەتىندەگى «نۇر وتان» پارتياسىنىڭ ءرولىن ايقىندايتىنىنا توقتالدى. وبلىس قارقىندى دامىپ كەلە جاتقان وڭىرلەر توبىنا ەنىپ, قازاقستان ەكونوميكاسىندا ماڭىزدى ورىن الادى. بۇدان بىلاي اگرارلىق سەكتوردىڭ بىرىڭعاي جەلىسىن قۇرۋعا, يننوۆاتسيالىق باعىتقا تۇسىرۋگە باسا ءمان بەرىلەتىن بولادى. شاعىن جانە ورتا بيزنەستى يندۋستريالىق جانە الەۋمەتتىك جاڭعىرتۋدىڭ باس­تى قۇرالى ەتە وتىرىپ, بيزنەسكە قولايلى احۋال جاساۋ, 2050 جىلعا تامان ونىڭ ىشكى جالپى ءونىمىنىڭ 50 پايىزىنا جەتكىزۋگە ۇلەس قوسۋ –  نەگىزگى تالاپتاردىڭ ءبىرى. بايانداماشى ەلباسى قازاق­ستان­دىقتاردىڭ الەۋەتىن اشاتىن جاڭا مۇمكىندىكتەردى بەلگىلەپ بەرگەنىن, بۇل ورايدا, ساپالى ءبىلىم بەرۋ, دەن­ساۋلىق ساقتاۋ, مادەنيەت, الەۋ­­مەتتىك سالالارعا تىڭ سەرپىن قوسۋ, مەملەكەتتىك ينستيتۋتتار جۇمى­سىن جەتىلدىرۋ تاپسىرمالارىن ۇسىن­عانىن جەتكىزدى. مەملەكەت باسشىسى بيىل ەكونوميكا ءوسىمىن 6-7 پايىز دەڭگەيىندە قامتاماسىز ەتۋ, حالىقتىڭ جان باسىنا شاققانداعى ىشكى جالپى ءونىم 14,5 مىڭ دوللاردان كەم بولماۋ, ينفلياتسيانى 3-4 پايىزعا دەيىن تومەندەتۋ مىندەتتەرىن قويدى. اۋداندىق پارتيا ۇيىمدارىنا جولداۋ قاعيداتتارىن جۇزەگە اسىرۋ بويىنشا ءىس-شارالار جوسپارىن ازىرلەۋدى, ۇگىت-ناسيحات قىزمەتتەرىن جانداندىرۋدى, تۇرعىندارمەن تىكەلەي بايلانىس ورناتۋعا نازار اۋدارۋدى, ماسەلەلەردى شەشۋ جولدارىن ىزدەستىرۋدى, «جاس وتان» پارتياسى جاستار قاناتى قىزمەتىنىڭ بەلسەندىلىگىن ارتتىرۋدى جۇكتەدى. كونفەرەنتسيادا ءسوز العان وب­لىس­تىق ءماسليحاتتىڭ دەپۋتاتى, «ءمام­بەتوۆ جانە ك» كس باس ديرەكتورى ەركەبۇلان مامبەتوۆ بىلاي دەدى: – ءبىز ءوندىرۋ نارىعىن مەڭگەر­گەنمەن, ساتۋعا كەلگەندە دەلدالدارعا تاۋەلدى بولاتىنبىز. ەندى وتكىزۋ نارىقتارىنا تىكەلەي شىعۋ جۇيەسىن قا­لىپتاستىرۋعا ۇمتىلىس وتە قۇپ­تارلىق. جيىنعا قوس پالاتا دەپۋ­تات­تارىنىڭ قاتىسۋىن پايدالا­نىپ, ولاردان شاعىن شارۋا قوجا­لىق­تارىنىڭ كەدەرگىسىز دامۋى ءۇشىن ەكولوگيالىق جانە سالىق زاڭنا­مالارىنا وزگەرىستەر ەنگىزۋ ۇسى­نىسىن قولداۋعا شاقىرامىن. سون­دا ءالسىز شارۋاشىلىقتاردىڭ اياقتا­رى­نان تىك تۇرىپ, باسەكەلەستىككە توتەپ بەرۋىنە قولايلى جاعداي تۋار ەدى. «قازاق ساڭىراۋلار قوعامى» بىرلەستىگى وبلىستىق بولىمشەسىنىڭ ديرەكتورى ۆاسيلي ميرونياك: – «نۇر وتان» پارتياسىنىڭ قولداۋىمەن «كەدەرگىسىز ايماق» جوباسى قولعا الىنىپ, مۇمكىندىگى شەكتەۋلى ازاماتتارعا كوبىرەك كوڭىل بولىنە باستاعانى قۋانتادى. ەلىمىزدە 630 مىڭعا جۋىق مۇمكىندىگى شەكتەۋلى ادام وسى ساناتقا جاتقىزىلسا, ولاردىڭ 15 پايىزى عانا جۇمىسقا تارتىلعانى ويلاندىرماي قويمايدى. وبلىستا ەستۋ مۇمكىندىگىنەن ايىرىل­عان 823 مۇگەدەك جان ەسەپتە تۇر. ءبىز­دىڭ كاسىپورىندا مەملەكەتتىك تاپسى­رىستىڭ كولەمى شەكتەۋلى. ونىڭ مولشەرى ۇلعايتىلسا, تاعى دا 50 مۇگەدەك جاندى جۇمىسقا قابىلداۋعا قاۋقارلىمىز, – دەدى. باسقا دا سويلەۋشىلەر تۇرعىن­داردىڭ ءومىر ساپاسىن, حالىققا كورسەتىلەتىن قىزمەتتەردىڭ ءتيىم­دى­لىگىن جاقسارتۋ, وسى زامانعى الەۋمەتتىك قورعاۋ جۇيەسىن نىعايتۋ, وتاندىق ونىمدەر مەن بۇيىمداردىڭ ەكسپورتتىق الەۋەتىن ارتتىرۋ توڭىرەگىندە وي-پىكىرلەر الماستى. ءومىر ەسقالي, «ەگەمەن قازاقستان». سولتۇستىك قازاقستان وبلىسى.