ايماقتار • 19 قازان، 2021

قىزىلوردادا ءدىني ەكسترەميست ۇستالدى

95 رەت كورسەتىلدى

قىزىلوردادا قىزمەتىنە تىيىم سالىنعان ەكسترەميستىك ۇيىمنىڭ جاقتاۋشىسى ۇستالدى، دەپ حابارلايدى Egemen.kz.

قىزىلوردا وبلىسى پوليتسيا دەپارتامەنتىنىڭ قىزمەتكەرلەرى ۇلتتىق قاۋىپسىزدىك كوميتەتى دەپارتامەنتىنىڭ قىزمەتكەرلەرىمەن بىرلەسىپ، «تابليعي جاماعات» ءدىني ەكسترەميستىك ۇيىمىنىڭ جاقتاۋشىسى - وبلىستىڭ 48 جاستاعى تۇرعىنىنا قاتىستى جەدەل-ىزدەستىرۋ ءىس-شارالارىن جۇرگىزدى.

«د. ەسىمدى ازامات سوت تىيىم سالعان ءدىني ەكسترەميستىك ۇيىمنىڭ شارتتارى مەن داستۇرلەرىن ۇستاندى، ونىڭ قىزمەتىن ۇيىمداستىردى، جاقىن ءدىني بايلانىستاردى ناسيحاتتادى، ءدىني الاۋىزدىقتى قوزدىراتىن جانە ءدىني ەكسترەميستىك دەپ تانىلعان اقپاراتتى ناسيحاتتادى»، دەپ جازادى پد ءباسپاسوز قىزمەتى.

اتالعان ءدىني ەكسترەميستىك ۇيىم قالا اۋماعىندا جينالىستار ۇيىمداستىرىپ، قۇپيا ۋاعىزدار جۇرگىزگەنى انىقتالدى.

«ارنايى ءىس-شارالار ماتەريالدارىن تالداۋ بارىسىندا د. ەسىمدى ازاماتتىڭ ءىس-ارەكەتىندە قىلمىستىق قۇقىق بۇزۋشىلىق بەلگىلەرى انىقتالۋىنا بايلانىستى، وعان قاتىستى قر قك 405-بابىنىڭ 1-بولىگى بويىنشا سوتقا دەيىنگى تەرگەۋ جۇرگىزىلدى. قىزىلوردا قالالىق سوتىنىڭ 20 قىركۇيەكتەگى ۇكىمىمەن ول كىنالى دەپ تانىلىپ، ءۇش جىل التى اي مەرزىمگە باس بوستاندىعىن شەكتەۋ تۇرىندەگى جاۋاپكەرشىلىككە تارتىلىپ، پروباتسيالىق باقىلاۋعا الىندى»، دەپ حابارلادى قىزىلوردا وبلىسىنىڭ پد ءباسپاسوز قىزمەتى.

سوڭعى جاڭالىقتار

دجەرۆونتا دەۆيس جەڭىل سالماقتى تاڭدادى

كاسىپقوي بوكس • بۇگىن، 17:45

ۇقساس جاڭالىقتار