وبىر دەرتىن ەمدەۋ مەموراندۋمى

استانا قالاسى بۇكىل الەمگە تانىمال گۋستاۆ رۋسسي اتىنداعى فرانتسۋز ونكولوگيا ينستيتۋتىمەن ارىپتەستىك قارىم-قاتىناسىن ۇلعايتۋدا. مۇنىڭ دالەلى رەتىندە كەشە ەلوردا اكىمدىگىندە شاھار باسشىسى يمانعالي تاسماعامبەتوۆ پەن اتالعان ينستيتۋتتىڭ باس ديرەكتورى الەكساندر ەگگەرمونت ستراتەگيالىق سەرىكتەستىك پەن ىنتى­­ماقتاستىق تۋرالى مەموران­دۋمعا قول قويدى. مەموراندۋم استانا قالا­سىنداعى ونكولوگيالىق قىز­مەت­تى ءارى قاراي دامىتۋ ءۇشىن حالىق­ارالىق دياگنوستيكا جانە ەمدەۋ ستاندارتتارىن ەنگىزۋ, سونىمەن بىرگە, ونكولوگيالىق پاتولوگيالاردى الدىن الۋ مەن ەمدەۋدىڭ زاماناۋي ادىستەرىن پايدالانا وتىرىپ, ەلوردا ماماندارىنىڭ بىلىكتىلىگىن ارتتىرۋعا باعىتتالعان. بۇدان وزگە تاراپتار اۋرۋدى دياگنوستيكالاۋ مەن ەمدەۋ سالاسىنداعى يننوۆاتسيالىق تەحنولوگيالارىمەن تاجىريبە الماسۋ سىندى وزگە دە سالادا بىرقاتار يگى جۇمىستار جاساۋعا كەلىستى. گۋستاۆ رۋسسي اتىنداعى ونكولوگيا ينستيتۋتى قۇرامىندا 11 جوعارى تەحنولوگيالىق عىلىمي زەرتحانالار, ەكى مىڭنان استام جوعارى بىلىكتى ماماندار جۇمىس ىستەسە, جىل سايىن ەكى ءجۇز مىڭعا دەيىن كەڭەستەر بەرىلىپ, ءبىر جىلدا شامامەن 12900 ستاتسيونارلىق ناۋقاستارعا قىزمەت كورسەتىلەدى ەكەن. بۇگىنگى تاڭدا يگىلىكتى ىستەردىڭ ناتيجەسىندە فرانتسيادا وبىر كەسەلىنە شالدىققانداردىڭ 70 پايىزى ناۋقاستارىنان ساۋىققان. 2009 جىلى استانا قالاسىن دامىتۋ باعدارلاماسى بويىنشا ونكولوگيا ورتالىعىنىڭ زاماناۋي جابدىقتارمەن جابدىقتالعان مورفولوگيالىق دياگنوستيكا بلوگى بار ءار اۋىسىمدا 380 كەلىپ-كەتۋشىلەرگە ارنالعان ەمحاناسى, جاڭا 245 ورىندى ەمدەۋ عيماراتى قولدانىسقا بەرىلگەن. ونكولوگيا ديسپانسەرى ورتا ەسەپپەن 6,5 مىڭ قالا تۇرعىندارىنا, ونىڭ ىشىندە مەديتسينالىق ۇيىمدى تاڭداۋ بويىنشا وزگە دە ءوڭىر تۇرعىندارىنا كومەك كورسەتەدى. جىل سايىن الەمدە 10 ملن. دەرت تىركەلىپ, ونىڭ 6,2 ميلليونى ونكولوگيا اۋرۋىنان قايتىس بو­لادى ەكەن. ال قازاقستاندا جىلى­نا وبىردىڭ 30 مىڭ جاڭا ءتۇرى انىق­تالسا, ونكولوگيامەن اۋىراتىن 140 مىڭ ناۋقاس ەسەپتە تۇرادى. ونىڭ 60 پايىزى حيميا تەراپيادان وتۋگە مۇقتاجدار ساناتىندا. ەلىمىزدەگى وبىر سىرقاتىنا شالدىققاندار تەگىن ءدارى-دارمەكپەن قامتاماسىز ەتىلەدى. ءابدىراحمان قىدىربەك, «ەگەمەن قازاقستان». ––––––––––––––– سۋرەتتى تۇسىرگەن سۇلتان سەيىتوۆ.