فرانتسيادان 350 اۆتوبۋس اكەلىنەدى

جاقىندا استانا قالاسىنىڭ اكىمدىگىندە فرانتسۋزدىق «IVEKO BUS» كومپانياسىنىڭ تابيعي گازبەن جۇرەتىن 350 اۆتوبۋسىن الۋ جونىندە كەلىسىمشارتقا قول قويىلدى. بۇل شاراعا قالا اكىمى يمانعالي تاسماعامبەتوۆ پەن فرانتسۋز رەسپۋبليكاسىنىڭ قازاقستانداعى ەلشىسى فرانسيس ەتەن قاتىستى. كەلىسىمگە سايكەس فرانتسيا كومپانياسى 2014 جىلعى 1 تامىزعا دەيىن استانا قالاسىنا 200 جاڭا اۆتوبۋس جەتكىزەدى. قالعان 150 اۆتوبۋس اعىمداعى جىلدىڭ ءبىرىنشى قازانىنا دەيىن اكەلىنەتىن بولادى. بۇل ينۆەستيتسيالىق جوبانى ءىس جۇزىنە اسىرۋ ءۇشىن «استانا لرت» جشس CAFAS كومپانياسىنىڭ ساقتاندىرۋ كەپىلدىگىمەن گەر­مانيانىڭ «CommerzBank» اتتى بانكىنەن ءتيىستى نەسيە الدى. بۇل ين­ۆەستيتسيالىق جوبانىڭ جالپى كولەمى 91 ميلليون ەۋرونى قۇ­رايدى. ساتىپ الىنعان جاڭا اۆتوبۋس­تار استانا قالاسىندا 2014 جىل­دىڭ شىلدەسىندە پايدالانۋعا بە­رىلەتىن كوممۋنالدىق اۆتوبۋس پاركىنىڭ قاراماعىنا بەرىلەتىن بولادى. قازىرگى ۋاقىتتا 8,48 گەك­تار جەر تەلىمىندە وسى بولا­شاق اۆتوبۋس پاركىنىڭ قۇرى­لىسى قىزۋ جۇرگىزىلۋدە. فران­تسيا­دان اكەلىنەتىن IVECO اۆتوبۋس­تارىنىڭ ەدەندەرى تومەن, پاندۋس­تەر ورناتىلعان. بۇل مۇمكىندىگى شەكتەۋلى ازاماتتاردىڭ قاتى­ناۋى­نا وتە قولايلى. سونىمەن بىر­­گە, جاڭا اۆتوبۋستاردىڭ ىشىندە مۇ­گەدەك اربالارى ورنالاستىرىلاتىن ورىندار بار. مۇنداي قولايلى اۆتوبۋستار فرانتسيانىڭ قالالارىندا كوپتەپ قولدانىلادى.  استاناعا اكەلىنەتىن فرانتسۋزدىق IVECO اۆتوبۋستارىنىڭ 270-ءىنىڭ ۇزىندىعى 12 مەتر بولسا, 80-ءىنىڭ ۇزىندىعى 18 مەترگە تەڭ. ەلوردانىڭ كولىك قاتىناسى ءۇشىن وتە ءتيىمدى بۇل ينۆەستيتسيالىق جوباعا قازاقستان تاراپىنان «استانا لرت» اق-تىڭ باسقارما توراعاسى تالعات اردان جانە  «IVEKO BUS» كومپانياسىنىڭ پرەزيدەنتى پەر لاۋت قول قويدى. قازىرگى كۇنى استانا قالاسىندا قۇرامىندا 890 كولىك بىرلىگىن قۇرايتىن 8 كولىك كومپانياسى جۇمىس ىستەيدى. جالپى, قالامىزدا 2444 شاقىرىمعا سوزىلعان 49 اۆتوبۋس باعىتى بار. ءبىر تاۋلىك ىشىندە وسى كولىكتەرمەن 669 مىڭ جولاۋشى تاسىمالدانادى. سو­لاي بولا تۇرسا دا, ەلوردادا قو­عامدىق كولىك جەتىمسىزدىگى 357 بىر­لىكتى قۇرايدى. اتالمىش  ينۆەس­تي­تسيالىق جوبانىڭ جۇزەگە اسىرى­لۋى ناتيجەسىندە استانا قالا­سىن­داعى قوعامدىق كولىك قوزعا­لىسى جاقسارىپ, تۇرعىندارعا قىز­مەت كورسەتۋ ساپاسى ارتاتىن بولادى. نياز جىلقىباەۆ. استانا.