ونەر • 17 قازان، 2021

كامەرالىق زال كومپوزيتوردىڭ ەسىمىن يەلەندى

104 رەت كورسەتىلدى

قازاقستان رەسپۋبليكاسى تاۋەلسىزدىگىنىڭ 30 جىلدىق مەرەيتويى قارساڭىندا قاسيەتتى ونەر شاڭىراعى جامبىل اتىنداعى مەملەكەتتىك فيلارمانياسىنىڭ باسشىلىعى جاعىمدى جاڭالىق سۇيىنشىلەدى.

قازاقستان رەسپۋبليكاسى مادەنيەت جانە سپورت مينيسترلىگى جانە الماتى قالاسى اكىمدىگىنىڭ قولداۋىمەن قازاقتىڭ جامبىل اتىنداعى مەملەكەتتىك فيلارمونياسىنىڭ كامەرالىق زالىنا كسرو حالىق ءارتىسى، حالىق قاھارمانى، قر مەملەكەتتىك سىيلىقتىڭ يەگەرى، ديريجەر، كۇيشى-كومپوزيتور نۇرعيسا اتاباي ۇلى تىلەنديەۆتىڭ ەسىمى بەرىلىپ، مەموريالدىق تاقتاسى اشىلدى.

سالتاناتتى شاراعا قاتىسۋشىلار الدىندا مادەنيەت جانە سپورت مينيسترلىگى مادەنيەت كوميتەتىنىڭ توراعاسى اقان ءابدۋالى، قازاقستاننىڭ ەڭبەك سىڭىرگەن ءارتىسى داريعا تىلەندىكەلىنى، «وتىرار سازى» وركەسترىنىڭ كوركەمدىك جەتەكشىسى جانە باس ديريجەرى ءدىن-زۋحرا تىلەنديەۆا، ۇعا اكادەميگى ورازالى سابدەن ءسوز سويلەپ، قازاق مادەنيەتىندەگى ايتۋلى وقيعاعا وراي كومپوزيتور تۋرالى جىلى ەستەلىكتەرىمەن ءبولىستى.

كوميتەت توراعاسى اقان جىلقىشىباي ۇلى مادەنيەت جانە سپورت ءمينيسترى اقتوتى رايىمقۇلوۆانىڭ قۇتتىقتاۋ ءسوزىن وقىپ بەردى. «85 جىلدىق تاريحى بار جامبىل اتىنداعى مەملەكەتتىك فيلارمونياسىنىڭ كامەرالىق زالىنا كسرو حالىق ءارتىسى، حالىق قاھارمانى نۇرعيسا اتاباي ۇلى تىلەنديەۆتىڭ ەسىمىن بەرۋ – قازاق مۋزىكا ونەرىنە وشپەس ءىز قالدىراعان تالانتتى تۇلعالارىمىزدى ەسىمىن ۇلىقتاپ، رۋحىنا تاعزىم ەتۋ ءھام قازاقتىڭ مۋزىكالىق ونەرى مەن مادەنيەتىنىڭ مەرەيلى مەرەكەسى دەپ ەسەپتەيمىن. نۇراعاڭنىڭ ونەگەلى ءومىرى مەن ونەرى، عاجايىپ تۋىندىلارى حالقىمىزدىڭ يگىلىگىنە ماڭگىلىك قىزمەت ەتەرى ءسوزسىز» دەيدى ا.راحمەتوللاقىزى قۇتتىقتاۋ حاتىندا.

اشىلۋىن كوپتەن كۇتكەن جاڭا كامەرالىق زالدا كومپوزيتوردىڭ جەكە تۇتىنعان زاتتارى، فوتوسۋرەتتەرىنەن مازمۇندى كورمە ۇيىمداستىرىلىپ، كەش قوناقتارىنا ن.تىلەنديەۆتىڭ مۋزەيىنىڭ قىمبات جادىگەرلەرىن تاماشالاۋ مۇمكىندىگى تۋدى. ال كەشكىسىن اكادەميالىق فولكلورلىق-ەتنوگرافيالىق «وتىرار سازى» وركەسترى مەن ب.بايقاداموۆ اتىنداعى مەملەكەتتىك حور كاپەللاسىنىڭ قاتىسۋىمەن ەسكە الۋ كونتسەرتىنىڭ شىمىلدىعى ءتۇرىلدى. سالتاناتتى كەش «اتا تولعاۋى» كۇيىمەن اشىلىپ، جالعاسبەك بەگەندىكوۆ پەن ءمۇسىلىم امزە ديريجەرلىك جاساپ، قازاقستاننىڭ ەڭبەك سىڭىرگەن قايراتكەرلەرى دينا حامزينا، نۇرجان جامپەيىسوۆ، گۇلزيا ستامبەك، مەيرامبەك بەسباەۆتىڭ، حالىقارالىق بايقاۋلاردىڭ لاۋرەاتتارى امىرە، فارحاد كۋبيەۆ، تايىر تاجىعۇلوۆ، دانيار بايجۇمانوۆ، اسەم اۋباكىروۆا، ەلميرا قاشقىمباەۆا سەكىلدى  بەلگىلى ارتىستەر كومپوزيتوردىڭ شىعارمالارىن ورىندادى.   

الماتى

سوڭعى جاڭالىقتار

حاتتوننىڭ ۇلى اتتيلانى اتىنان ءتۇسىردى

كاسىپقوي بوكس • بۇگىن، 10:35

جەكپە-جەكسىز وتكەن العاشقى جىل

كاسىپقوي بوكس • بۇگىن، 09:08

«دينامودان» جەڭىلدى

حوككەي • بۇگىن، 07:34

كرەاتيۆتى كىتاپ دۇكەنى

ايماقتار • بۇگىن، 07:33

جانبوتا جاراپ تۇر

سپورت • بۇگىن، 07:27

اقىن تۇتىنعان كەسە

تاريح • بۇگىن، 07:24

ۇلى جامبىل مۇراسى ۇلىقتالدى

رۋحانيات • بۇگىن، 00:33

ۇقساس جاڭالىقتار